اللي ابوها غاسل يدة من المسؤولية تدخل بسالها كم سؤال؟؟

السلام عليكم ورحمة الله وبركاته

اليوم موضوعي غيييييييييييييير :09: موضووع مارقني ومتعبني وقالب حياتي لجحيم

صرت اكرة الروحة والجية وصرت زاهدة بالدنيا وبيتوتية غصب عني

احس كاني حرمة ام 50 او 60 سنه :icon33: والله ان اللي بهالسن عايشين حياتهم احسن مني

السالفة ومافيها ان ابوي الله يهديه من اول ماقاموا اخواني يسوقوون وهو قاطنا عليهم

هو يسوق سيارة بس مهملنا وتاركنا على اخواني في البداية رضينا وقلنا مو مشكلة وصار يعطي اللي يودينا اكثر مصروف لهالغرضودايم يوصية علينا ودهم وجبهم طبعا هالكلام قبل مايتزوجون اخواني:44:

بعدها تزوجوا وصار كل واحد منهم مسؤوول عن زوجته وعيالة واخر همة امه او خواته لان ابوة موجود وهو الملزوم فيهم

احس اننا حمل ثقيل عليهم وماودنا نطلب منهم شي الا للضرورة والله ساعات اقوول مو لازم اشتري للعيد على شان مااطلب منهم :icon33: طبعا البعض منهم صرح واعترف انه احنا ثقلنا علية في الطلبات واحنا والله ماطلب منه الا يمكن في الاسبووع مرة او بالكثير مرتين

واللحين صارت طلعاتنا قلييييييييييييييييييلة جدا والله اه يمر الشهر مانروح مكان والوالد مو حاس فينا ولا على باله يطلعنا ولا يقوول ذولي متضايقين من البيت وانا المسؤوول عنهم :44:

وحتى اذا طلعنا كلنا وجاء البيت وشافة فاضي يسوي لنا سالفة لية مااستاذنتوا مني ولية ماعلمتوني ؟؟؟؟؟؟؟؟؟ طبعا هالكلام مؤخرا ولا من سابق كان يقولها بلسانه اذا طلعتوا مع اخوانكم كانكم طالعين معاي يعني مالة داعي تعلموني

وانا ادري الهدف من حركاته على شان يطفشنا من البيت ونوافق على اول واحد يطق الباب:icon33:

البارح صارت سالفة بينه وبين خواتي على المستوصف كانت عندهم مراجعه وقالوا له خذنا على طريقك قال لا قولوا لاخوانكم !!!!!!!!!!!!!!!!!!!!!!!!

ولا باخذكم من وقت قالت له اختي نبي نروح الساعة 11 قال لا والله تبوني اروح واجي عليكم ؟؟؟؟؟؟؟؟؟؟؟

وقالها بنبرة حااااااااااااااااادة كانه يهاوش قال لية انتوا ماتفهمون قولوا لاخوانكم واذا ماقدروا انا اوديكم قالت اختي قل لهم انت احنا مو طالبين منهم شي

وعصب عليها وسوا سالفة بعدها زعلوا خواتي وقالوا مو رايحين قلت لهم لا بالعكس روحوا معه وخلوة يحس بالمسؤولية قالوا بعد ايش بعد ماشاب ودوه الكتاب

وهذي حالتنا بالبيت كرهنا الطلعة والروحة والجية والسبب كذا واذا طلبنا منه اكثر من مرة يحولنا على اخواني وتراة متقاعد يعني مو مرتبط بشغل ولا شييييييييييييي

حتى الصباح مايوصلنا المدرسة ولا الجامعه ياانه يحط لنا سواق الصباح والظهر ولا واحد من اخواني يعني مايحب يتقيد ابد

يااااااااااااااااربي

بنات انتوا وش تسوون من يوديكم ويجيبكم ويطلعكم؟؟؟؟؟

واذا طلعتوا مع اخوانكم وابوكم مو البيت هل تتصلون تستاذنون منه ولا لا ؟؟؟؟؟؟؟؟؟

طبعا لااحد يقوول جيبوا سوواق لانه يقوول لية اجيبة وانا واخوانكم موجودين ؟؟؟؟؟؟؟؟؟؟

وحتى الشغالة يقوول انتوا موجودين مالة داعي شغالة

شوروا علي وادعولي ارتاح من هالدنيا