اللي ببيتها من غير شر مرضى تشنج تدخل ابيها .. (نبي نفيد ونستفيد)

السلام علبكم ورحمه الله وبركاته ..

يعطيكم العافيه يابنات .. ويجزاكم كل خيرر

اتمنى من المشرفات ماينقلون موضوعي لان هنا التواجد اكثر ..
رجاء محد ينقله ..

بغيت اسأل من عندها بالبيت من غير شر مريض او مريضه بالتشنج
لاني ابيها بصراحه ..

الحمدلله انا مريضه بالتشنج وتنشنجي خفيف ولله الحمد يعني مايجي الا فترات قليله يعني بمعدل شهرين او ثلاث شهور تجي مره وحده .. وعلى حسب

واهلي حرصين علي وخصوصآ امي الله يحفظها تخاف لدرجه خوفها يضايقني »»» الحين اقولكم ليه يضايقني ..

الحمدلله مرحه واحب الناس .. وبالغالب ماحد يعرف ان معي تشنج الا الاقارب بس

اناا متلهفه على التحفيظ من زمان لدرجه ابي ابكي .. وامي رافضه تخليني اروح
الا ومعي احد من خواتي .. والله حاولت فيهن محد راضي يروح .. حتى اني طلبت من ثنتين من صحباتي بس للاسف ماحد يبي تحفيظ ..
ولما اقول لها مافي احد راضي تقول لي انسي التحفيظ واحفظي بالبيت ..
والله انا مليت من البيت على الاقل اطلع لان هالمرض يخف بعد اذن ربي وقدرته ثم نفسيه الواحد .. ودايم الدكتور ينصح اهلي انهم يخلوني اطلع من البيت ومايحسسوني اني مختلفه عن غير ووضح لاهلي ان هالمرض زي الحمى والافلونزا تجي وتروح وماله داعي للخوف ...
انا موخايفه بس امي خايفه وخوفها اشوفه بعيونها ..

انا عاقله وواعيه وعارفه وما الوم امي لانها خايفه لو انه ييجيني لاسمح الله ومحد يسعفني في اي مكان وانا بعيده عنها ..

الحمدلله على قضاء الله وقدره ..

ابي تجارب اللي عندها بنات كذا او اطفال .. كيف تتعامل معهم ؟؟!!
وهل تحسسهم انهم مختلفين عن غيرهم ؟؟!!
وتحسسينهم بالخوف ؟؟


وابي حل لمشكلتي ؟؟