اللي تبى تنزل 15 كيلو تقلط :)

الســـــــــــــــــلام عليــــــــــــــــكم

كيف الحال يا رشيقات ؟؟؟ :hahaha:

أخباركم ؟؟؟

أنا اليوم داخلة بس عشان أقوللكم تجربتي مع الريجيم اللي اتبعته و نتايجه ... و إذا في حد حاب يشاركني و يكمل وياه حياه الله


بدايتي كانت و وزني 103 كيلو :hahaha: >>>> كنت مسخرة

بديت فتخفيف عادي مجرد الامتناع عن السكر العادي و استبداله بالمحلي الاصطناعي
الامتناع عن المقالي
الامتناع عن الحلويات
الامتناع عن كل شي دسم بما فيها الزيوت
تقليل الملح
ممارسة الرياضة بفترات غير منتظمة
و الاعتماد على الحليب و الألبان و الأجبان قليلة أو خالية الدسم
و الإكثار من السلطات و التوست الأسمر

و استمريت على هالتخفيف لمدة أسبوع و نص نزلت 6 كيلو :42:

بعدين دخلت النت حصلت ريجيم اسمه الريجيم المركب (اللي تبي معلومات زيادة عنه تدخل جوجل و تكتب الريجيم المركب و تقرا عنه أكثر) مشيت عليه لمدة 4 أسابيع يعني شهر كامل ، و هو أصلا مدته 8 أسابيع بس الشهر الثاني من الريجيم حسيته دسم وايد فما كملت الريجيم و وقفته أمس ...


المهم .. المهم ... نزلت خلال الأربع الأسابيع هاي 12 كيلو و الحمد لله :42:

و بعد ما كان وزني 103 صار وزني 85 :22: و الحمد لله

الحين أنا بقالي 15 كيلو على سان أوصل للوزن المثالي = 70 كيلو و هذا هدفي الأول

هدفي الثاني إنه يصير وزني 60 كيلو ..

فأنا يا حلوات من باتجر ببدا فريجيم لكن ريجيم حر ... يعني تخفيف ...

مثلا مثلا ريجيمي باتجر بيكون :

على الريق: خل التفاح + ماء
الفطور : عصير برتقالة
الغداء: 2 توست أسمر + قطعة همرغر دجاج مشوية بالفرن
العشاء: عصير جريب فروت

و لازم أشرب ماي كثر ما أقدر
و أشرب 3 أكواب شاي أخضر باليوم
و قبل النوم منقوع الليمون و الكمون


هذا لليوم الأول ...


فمن تحب تكمل المسيرة وياي حياها الله وبنشجع بعض ...


مع حبي
سارة :)