تنبيه هام
اللي متزاعله مع:arb: رجاء لا تدخل ،
واللي ما نامت زين بسبب:angry:
واللي جاية من عرس :icon28: ومتهاوشة مع الكوافيرة
اتمنى ما يدخلون :42: بس عشان يهاوشون
يا بنات أنا عندي كلمتين
أشوف حريم يتعغلون ويزعلون على أشياء ما تسوى
عشان كلام الناس ... يا كثر ما يهدم حياتنا كلام الناس !
اللي تحب زوجها ما عليها من أحد
واللي كرامتها غالية عندها تفكر أولا وش الكرامة
واللي مدلعها أبوها تعرف إنه أب مو شريك ... أنت هنا شريكة الرجل يريد من ترفعه تشجعه تعززه مو تريد أن تكون مثل بناته
انتبهي من عالم الحريم ترى فيه حسد ، وفيه نصايح اللي تقولها ما تسويها
بأي حق يا بنات وحده تروح لأهلها زعلانه على شيء تافه ، وش ذنب هالمسكين اللي تخسر عليها فلوس ؟ مو ظلم مهر ، وعرس وملحقات ، وشهر عسل .... واخرتها تروح وتخليه وش ذنبه هو ؟ بعدين نزعل نقول خاننا
انتبهوا قبل تطلقون ، وقبل تغلون وتروحون لأهلكم تدرون ليش ؟
تأمي في المنتيات النسائية واقرأي اللعنات والدعوات على الثانية ... فربما تكون هذه الفرصة الأولى لك للزواج ..
ولن تتكرر !
والله يا بنات لازم كل وحده منا تكون صادقة في نصحها اللي تهجر زوجها بلا مبرر نقف معها لتعود بشده
والله تترك بيت زوجها بلا مبرر ناشز
واللي تكثر على زوجها في الطلبات وهي موظفة ومستغنية نخوفها بالله أن يسلك طريق حرام
يا بنات بعيد عن الرومنسية هذا عشرة ، وأبناء وحياة وعلاقات ...
مو عشان فلانة حطت كنب جديد وأنا لا أترك زوجي قلعة الكنب والكشخة كلها
وتجيك وحده تقول لا تتنازبين لا تخضعين طيب ليش أنت تبين زوجك يتنازل عن حقه في التعدد مثلا ؟
أعيش بالحب لو في صندقة ولا أعيش بالنفاق شلون تعيشين مع واحد عارف إنك تبين نظر الناس ولاهمك هو !
أنا كنت ناوية اتطلق بعد 3 أشهر من الزواج لأن زوجي مسكني بدور كامل بس ما كان مأثث فيه إلا غرفة النوم وجلسة في الصلاة وبس زاروني زميلات الشر بدل ما يباركون يتشرهون
كرهت زوجي وأنا أحبه
لكن كرهته ,.........ز مشاكل وسب وشتم راتبه 13 ألف على ويش ....
مرت ستة أشهر وكل مرة تسألني وحده من عجا بليس خياطة أثثتم ؟
وهي بيتها موديل 1009 مو 2009 اللي توريني عروضة ، وتدلني على المحلات
بعد ست أشهر فضفضت لصديقتي : عبير ، ولها من اسمها حظ :icon33:
قالت لي : الأمر اسهل شوفي الحسنات : أنت في فلة ، والناس في شقق
أنت زوجك متدين ومحافظ ... والبنات يشتكون الخيانة ...
هدأت نفسي ، وقللت من الصادمات
بعد سنة كنت أفاتح زوجي في اللآجار ولازم نخطط نشري بيت
قال لي حاليًا ما أقدر لأن الفين قسط دين على أبوي
و ألفين دين زواجي
و4 آلاف قسط أجار البيت الشهري !
أنا هنا جاتني صدمة عنيفة زوجي اللي أحسبه 12 صار 4 ...:09:
ومع ذلك كله راعاني ولا قالي ... وخللاني اتقضى أثاث زين
والله يا بنات احتقرت نفسي .... وقلت له ليش ما علمتني
قال عشان ما أصير عليك مع الناس هم من عندي وهم من عندهم :icon33:
بعدها يا بنات أي حرمة تنقدني ما عاد أسمعها
وأي شيء أشوفة عند الناس أقول عندي أحسن !
كل وحده منا تكون شريكة زوجها تقترب من آلامه ، وتعرف أسراره وتكون سند يتكأ عليها
مو لازم يجدون الناس في بيتي شيء فخم ، لكن الجميل أن يكون زوجي يجد سكن
إذا كان زوجي انسان مجاهد ، ومخلص حرام أساوية بواحد يلبي طلبات زوجته تخلص منها وتسكيت
إذا زوجي حافظ حرمتي حرام أساوية بواحد خائن للعشرة
إذا كان زوجي يبي يشري لأحد إخونه شيء أو يسدد دين أبوه أو زي كذا أحفظ سره ، حتى عن أولادي ، وأقوله عاي هالشهر ندبر نفوسنا راح يحبك ويقترك منك
الله يوفقكم ،