اللي تحب النومة الغلط مثلي ترفع يدها/ غير هادف

السلام عليكم ورحمة الله وبركاته

ماعندي وقت بس بقولكم سالفة تقرقع بقلبي
أنا أحب النومة الغلط
فهل أنتم مثلي ولا بس أنا ؟
يعني إذا صليت الفجر أنام على سجادتي انبطح عليها واتغطى بجاكيت أو أي شي (في متناول يدي) >>>>> أخس يالفصحى
وتكون أجمل نومة  ماشاء الله والله أجمل من السرير وفرق
إذا كنت بالصالة ألبس فروتي وأقرب للدفاية وانسدح على الفرشة والبزارين حولي لاحق وملحوق وكافخ ومكفوخ
بس ماعليكم اطنش أم أم الدنيا وأنااااااااااام أحلى نومة ماشاء الله
إذا كنا بالسيارة مسافرين اتفقعص بطريقة ما وأصير كورة وانسدح بالسيارة رغم ضيق المكان ووجود أشياء تبطني مع جنبي وخاصة حزام الأمان بالمرتبة الثانية
بس تكون أجمل نومة ماشاء الله وخاصة مع اهتزاز السيارة الله ياسلام
دايم النومة الغلط بالمكان الغلط عندي فيها متعة وجمال
وأحس الفقراء والعمال اللي يتعبون بالشغل يستمتعون بالنوم أكثر مننا لأنهم متى ماتعب وأرهق نام في أي مكان عندة حتى لو توسد نعولة تحت شجرة صغيرة
الله يازين البساطة
ياسلاااااام
بنات أنا طاقة فيوزاتي هاليومين وأتمنى أروح لمكة والمدينة أو ....... جزيرة بعييييدة بس بشرط ... مافيها قرود يتحذفون بصخر
ياخي ماداني أحد يفلقني >>> !!!


يا الله خلصن سوالفي ،، مع السلامة