اللي تدخل موضوعي ربي يحقق مبتغاي ومبتغاها قبل رمضان

الله يفرج همك وييسر امرك

رجال هاليومين كمية نكادة مب طبيعية
يدورون المشاكل ع اتفة شي
و يكبرونها
الله يهدية لك
طيب وش شهادة زوجك و هو ما يبي يتوظف
واشلون تعيشون كذا من دون مصدر دخل
ما عندكم احلام و طموح
الشغل مب عيب اهم شي بالحلال
و انت الله يشفيك من الوسواس
و يرزقك الذرية و الوظيفة و راحة البال

الله يكتبلك الي فيه خير ويرزقك من اوسع ابوابه

شهادة زوجي ثانوي وفيه شهادات من دورات

قال تعالى (إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ)


اذا ماراح تتحركي وتحاولي التغيير وتجاهدين نفسك راح تقرأين مليون نصيحه وماتستفيدين منها..


لكن لو عندك نيه قويه للتغير و إرادة لمجاهدة نفسك على العبادات ََوالطاعات ممكن نصيحه وحده فقط تفيدك وتغير تفكيرك..


فأولاً وأخيراً الحل والربط بيدك انتي، قوي ارداتك وعزيمتك وتخيلي مستقبلك بالحالتين..


اذا تغيرتي كيف راح تكون حياتك
واذا ماتغيرتي كيف ممكن حياتك واختاري..


العمر يمضي بسرعه واذا لاحظتي الايام صارت متسارعه اذا مابدأتي اليوم او بكرا واجلتي متى راح تبدأين؟


اول شي ذكرتي انه عندك وسواس قهري، في ناس ممكن يتجاوز ون الوسواس بتغيير أفكارهم واستخدام العلاج السلوكي، وفي ناس تضطر تاخذ ادويه..


لأي حد وصل وسواسك وهل تقدرين تحاربينه او تحتاجين دوا نفسي؟
انا شخصيا جاني اكتئاب والدوا النفسي فادني بطريقه ماتتخيلينها، نتائجه معاي كانت ممتازه وارتاحت نفسيتي بعده وحتى ادائي في العبادات صار افضل..


واستمريت أخذه ٨ شهور بعدها حسيت نفسي اقدر اتركه وتركته بالتدريج تحت إشراف طبيبه والحمدالله، لو احتجته مره ثانيه ماراح اتردد أبداً..


انتي ممكن تجربين العلاجات السلوكيه اولا ولو مانفعت ممكن تاخذين ادويه كخيار ثاني..


هذا من ناحية الوسواس..


نجي لسورة البقره والعبادات، وش نيتك لقراءة البقره والاجتهاد ، هل هو التقرب من الله وخوفاً منه او فقط لك هدف الرزق فقط؟


النيه مهمه جدا جدا،
ومايمنع اذا اخلصتي نيتك وقراتي البقره بنية اخذ بركتها انك تطلبين الله الرزق الحلال المبارك..


اهم شي نيتك ماتكون فقط دنيويه..


انا ممكن اقولك راحتي والبركه اللي شفتها مع سورة البقره، بس البدايه ماكانت سهله..


كنت اجاهد نفسي واحس نفسي مكتومه وانا اقراها، احس كنه احد جالس على صدري وكنت بيني وبين نفسي اقول عناد في هالشعور راح اكمل ََوماراح اسمح انه يوقفني عن قراءتها..
ماقراتها مجزأة كنت اخصص ساعه من يومي لقراءتها، واجتهد نفسي..
اول الأسابيع كانت جهاد..


بعدها جات الراحه والفرج واللهفه على قراءتها َوقراءة القرآن عموماً..


واقرنيها بالأذكار، خلي لسانك لايفتر عن ذكر الله استغفار مع إستشعار الذنوب، تسبيح وتهليل مع الاستشعار..


والليل طويل هالايام يعني فرصه جايتك على صحن من ذهب قومي قبل الفجر بساعه وادعي بكل اللي نفسك فيه..


صدقيني لو داومتي، مداااومه مو يوم أيوا ويوم لا، يوم اقدر ويوم اطلع الف عذر، يوم فاضيه ويوم مشغوله..


مداومه يوميه الين رمضان..


وبإذن بتشوفين البشاير في حياتك..


اسأل الله ان يفرج همك ويحقق لك كل ماتتمنين 🌿