اللي تعالجت من البواسير .. ممكن تدخلين .........الله يسخر لك من تحبين ..

رفع

اختي اسال الله العظيم رب العرش العظيم ان يشفيك ويرفع بلاءك
عن تجربه شخصيه صارت لي انا جتني البواسير على ولادتي الاولى وانا غشيمه تعرفين البكريه ماتدري وين الله حاطها وكل اللي حولي واللي اعرفهم مامرت عليهم وبالرغم ان ولادتي الثانبه قيصريه بس ارحم من البواسير (قلبتها سوالف بس والله مما جاني اعذريني)
بس بقولك ايش سويت والله يخليك ادعي ان الله يشفيني ويخليني لعيالي
1-علاج البواسير داخلي موخارجي يعني اكلك يكون كله ملينات زي الملوخيه والباميه زيت زيتون فاكهه وخضار وابتعدي عن الاجبان والدقيق الابيض والمكرونه ولازم 3اكواب عصير برتقال يوميا
2-المشي اقل شي نص ساعه
3-حاولي مايجيك امساك لان الامساك عدوالبواسير
4-اجلسي في مويه حاره شويه وفيها ملح خشن من العطار للتعقيم مرتين في اليوم
5-جيبي من العطار عشبه اسمهاخواجوا لونه بنفسجي زين دقي منه مقدار ملعقه صغيره واطحني نفس الكميه حلبه وحبه سودا ومر
واعجنيها بعسل لاتكثرين بس اللي يخليها تتماسك زي التحميله دخليها قبل النوم والبسي فوطه حتى ماتتوسخ ملابسك
واستمري عليها اقل شي اسبوع بتشوفين الفرق وعلى فكره الخلطه هذي من الدكتور جابر القحطاني اللي يجي في الاخباريه سويتها زي ماقال والحمدلله جابت نتيجه وسويها في نفس الوقت موتسوين كميه كبيره للايام كلها لازم كل يوم تدقين وتسوينها على طول
ولاتجلسين تربيعه نهائيا اجلسي على جنب واي وضع يريحك
وهذي تجربتي و*****الله اني افدتك واي شي تبين تساليني فيه من عيوني لاتستحين كلنا خوات

حبيبتي جربي خلطه الخوا جوا ابحثي عنها ترا كثير مجربينها وينصحون فيها بقووه
الله يلبسك الصحه والعاافيه يارب

الله يشفي الجميع

جربي الخوا جوا مع العسل اوالزيت ممتازة واهم شي تجفيف المكان تماما

ومغاطس الموية الدافية مع الملح خصوصا لو فيك شرخ واسأل الله انه يشفيني واياك وكل مسلمة من هالمرض