اللي تعرف تسوي خليه نحل تعلمني تكفون الله يبلغها ليله القدر

العجينه

في زبديه تخلطين 2 كاس ماء 2كاس دقيق

1 م ك خميره فوريه

فنجال سكر

3 م ك زبادي
تخلط بالمضرب اليدوي وتتركينها عشر دقايق بعدين تضيفين عليها دقيق حسب حاجة العجينه ونص كاسه زيت لااااااازم

وتبدين تسوين الخليه

تاخذين من العجينه كوره صغيره وتحشينها بجبنة كيري وتسكرين الكوره زين وترتبينها بالصينيه

الين تعبين الصينيه كلها

بعدين ادهني وجهها بصفار بيض ورشيها بسمسم

دخليها الفرن يكون حار

واتركيها الين تتحمر
بعدين طلعيها وسقيها يالشيره او العسل

وبالهناء على قلبك

اتركي العجينة تتخمر حوالي ثلث ساعة
و بعد ما تكورينها خليها حوالي خمس دقايق قبل لا تدخلينها الفرن
و بالنسبة للزيت لا تكثرين زيت لأنه هو اللي ما يخلي العجينة تصير مثل القطن

استخدمى عجينة العشر دقائق مرة روعة
بعدين قطعى العجينة كور صغيرة وحشها جبن و
وصفيها بصنية مدورة ودهنى وجهها بيض مخلوط بحليب ورشى علية سمسم
ودخليها الفرن من فوق وتحت وشربيها بالشيرة
وعليك بالف عافية

هذي الطريقه مرة مضمونه ان شاء الله
عجينه الربع ساعه للأخت ام ريما الله يجزها خير
وتصلح للفطاير بانواعها وخليته النحل والبتزا مرة ممتازه
والمقادير
2/ كاس دقيق ابيض فاخر
نضع فى خلاط الكاس
علبة زبادى
نصف ملعقه صغيرة ملح
فنجال قهوة سكر
1و نصف ملعقه كبيره خميرة فوريه
1 ملعقه صغيرة بكنج بودر
3ملاعق كبير حليب بودره
بياله شاهى زيت
1كاسه ماء
تخلط جميعا فى الخلاط حتى يتضاعف حجمها لمدة ربع ساعه (انا اتركها 5 دقايق لان الخلاط يحتر عندى)
نضع الخليط على الدقيق ثم تعجن باليد او العجانه لمدة 10 دقايق
اذا طلعت لينه شوى زيدى دقيق لين تصير متماسكه
بعدين تدهنين يدك وتضربيها على الطاوله او فى نفس الزبديه اللى عجنتى فيها لمدة 2_3 دقايق
وهذي اهم نقطة فى العجن
حتى تصبح مطاطيه
ثم تترك لمدة ساعه تختمر

بعد كذا تشكل
على شكل دواير وتحشي بالجبن وترص بجوار بعض
مثل الخليه
واحنا نشكل فى العجين شغلى الفرن من تحت واقفلى الباب حتى يسخن ولا تفشل
ومن ثم اتركيها على النار من تحت
ثم من اعلى
وبالعافيه