اللي تعرف طريقة كبسة البرغل لا تبخل بالدخول هنا

اهلين حبيبتي
المقادير
ثوم _برغل _كوسه _ زيت_ ماجي _كزبره
الطريقه تغسلين البرغل زين اذا ودك تنقعينه عادي اذا ما معك وقت غسليه واطبخيه
انا احس انا ما يحتاج ينقع المهم تحطين البرغل يطبخ مع الماجي وزيت بعدين اذا طبخ شوي
حطي الكوسه والثوم بس ثوم حطي كثير مره اخر شي حطي كزبره كثير وخليه تطبخ شوي
الين يستوي وبالعااااااااااااااافيه اكله لذيذه مره وخطيره للمعلوميه اكله سوريه وبعدين البرغل
نوعين خشن ونااعم حق الطبخه هذي خشن انتبهي تحطيت الناعم علميني وش يصير معك
تكفين ادعيلي انا احمل تكفين

الله يسعدك يارب ويوفقك ويحقق لك اللي في بالك وتحملين يارب ياحي ياقيوم .

بجريها ان شاء الله بكرى لاني اللي عندي الحين برغل ناعم ..

مشكووووره يا دلع وكلك حلا . ^_^

طريقة البرغل
غسل البرغل وتصفيته بالمصفايه حتى يروح الماء منه نجي الحين كيف نسويه
ناخذ ملعقين من سمنة الشوكة والملعقه لانها هي اللي تطلع طعم البرغل ونقدحا على النار ونحط البصل ونقلبه حتى يصيرالبصل اصفر ونحط البرغل مع البصل ونقلبه مع بغض لمده عشر دقائق حتى نحس ان البرغل انحمس زين وبعدين نحط ماجي وقرفه ناعمه ونحط قليل من الشعريه المحموسه طبعا هذا اختياري واخر شي نحط ماي مغلي على البرغل ونخليه يغلي شوي ونوطي على النار ولما يستوي البرغل نحط عليه الصنوبر واللوز وصحتين وهنا
هذي طبعا طريقة الوالده الله يرحمها لعمل البرغل

وهذي طريقة دورتها علشانج
زي ما اقولك كبسة برغل بس من جد لذيذه والطريقه بالمره حلوه
المقادير :
دجاجه مقطعه الى ارباع
بصله كبيره مفرومه 4حبات طماطم متوسطه مفرومه حبة فلفل مقطع ملغقة كبيرة معجون طماطم
اعواد قرفه ملح وبهارات مشكله 2 ليمون اسود
كوبين برغل خشن منقوع
الطريقه:
نشوح البصل بالزيت ونضع القرفه وليمون اسود ثم نضيف قطع الدجاج ونحركها جيدا ثم نضيف معجون الطماطم ثم الطماطم المفرومة ثم الملح ومكعب ماحي ثم البهارات والماء ونتركها على النار حتى تنضج الدجاجة ثم ننشل الدجاجه ونضيف البرغل ونتركه على نار هاديه الى ان ينضج ولابد يكون المرق ضعف كمية البرغل
وبعدي تقدمينها بوضع البرغل في صحن التقديم ووضع الدجاج فوقها مع البصل المحمر

يعطيكم العافية