فضل الدعاء 😭
صلوا ع النبي اللهم صل وسلم على نبينا محمد وعلى آله وصحبه أجمعين
بقولكُم قصّة صارت معي قبل سنتين تقريباً :"كُنّا راحيين للسُّعوديّة نسوّي عُمرة أنا وأبوي وكان كُلّ شي يمشي بشكل طبيعي وتعرفون الفرحة اللّي تكوني عايشتها وانتِ رايحة لمكّة خُصوصاً أنّها أوّل مرّة أروح فيها
،المُهمّ ركبنا الطّيارة وارتفعت فـ الجوّ وحلّقت تقريباً 20 دقيقة ..فجأة فيه شي اصطدم بجناح الطّيارة(اللّي كُنت جالسة عنده أنا) صوت مُرعب و ضوء قويّ كلّنا شفناه وبدت حالة توتُّر إليين ما أعلن الطّيار أننا بنرجع للمطار لأنّ فيه عُطل بالطّيارة وماراح يغامر ويكمّل الرّحلة ..
بالمطار إتّضح لنا أنّ الإصطدام اللّي صار كان "صاعقة" ضربت بالجناح وأدّت إلى عُطل كبير وأكثر عبارة سمعناها "احمدو ربّكم أنّكُم رجعتم لأنّ المفروض أن الطّيارة تنفجر مُباشرة بعد الحادثة " دقيقة الجناح أنا كُنت راكبة عنده مُباشرة
!!ما أقدر أوصف لكُم شُعوري وقتها يعني لولا لُطف الله ورحمته كان أنا متّ وقتها
!كُنت أردّده "الحمد لله الحمد لله الحمد لله" وشُعوري تلخبط بين فرحة وحُزن وأسف ومدري جد كيف أوصفه لكُم!كانت السّاعة الثّالثة والنّصف صباحاً تقريباً وقت نزولنا بالمطار وإضطرّينا نبقى هناك إلى الصّباح عشان تجي طيّارة ثانية وتاخذنا .. المُهمّ القصّة اللي بقولها بتبدأ هِنا ..
السّاعة ثمانية تقريباً بدأو يجون العاملين بالمطار وفتحت الرّحلات من جديد وكذا ...وكان فيه عاملة تنظّف الحمّامات إمرأة كبيرة بالسّنّ وواضح عليها أنّها فقيرة زيّ حال كلّ عاملات النّظافة
..المُهمّ كانت مضطرّة تنظّف كلّ عشر دقايق لأنّ المطار كان ملياان فعلاً وما غادرت المكان ..أنا مانمت ولو للحظة طبعاً لأنّه المكان مُكتظّ ومايسمح أنّك تنامي +جلست أتذكّر كلّ حياتي وأنّه ليش يصير لي كذا ومعقولة ربّي مايبغاني أروح لمكّة وأدعي طول الوقت ياربّ ياربّ
..بعد السّاعة ثمانية حسّيت أنّي تعبت فعلاً وقُمت عشان أغسّل وجهي وأعدّل حجابي للمراية وكذا ..المهمّ بعد مادخلت لجهة الحمامات لقيت المرأة اللّي قلت لكُم عنها ..قلت السّلام عليكم ..وردّت عليّ السّلام وعلى طول سألتني إنتِ من أهل الطّيارة اللّي تعطّلت ؟قلت إيه ...
قالت بقول لك شي يابنتي .."لو ربّي كاتب لك تروحي بتروحين مهما كنتي تحسّي أنّ الموضوع صعب "طبعاً كلامها كان زيّ جبر الخاطِر وقتها لأنّه كانو يقولون أنّ فيه إحتمالية أنّنا نرجع ومايجيبون لنا طيّارة ثانية وكذا ..قلت : إن شاء الله إن شاء الله ..
قالت أنا يا بنتي رجعت من مكّة قبل أسبوع وجلست تحكي لي عن الأجواء وأنّها تبغى ترجع بأسرع وقت .. بعدين قالت لي بحكي لك كيف رحت ..
قالت :"أنا زيّ ماتشوفين عاملة نظافي وراتبي مايكفّي شي وزوجي مريض بالسّرطان وأنا أصرف عليه وأشتري له دواء وماعندي أحد يساعدني وكذا .. وكُنت أحلُم أنّي أروح لمكّة بس التّكاليف مرّة غالية وما أقدر عليها .. "تقول وقبل خمس شهور تقريباً كُنت أمسّح الأرض بالدُّور العُلوي بالمطار ..
.. وأنا عادةً أشتغل بالدّور الأرضي ، لقيت محفظة صغيرة فيها فلوس وجواز سفر .. تقول فتحت الجواز وشفت الصّورة ودُرت المطار كلّه أدوّر عن صاحب الصّورة لين لقيته وعطيته المحفظة ، تقول جلس يشكرني لأن المحفظة كان فيها مبلغ كبيير وقبّل راسي بعدين قال لي ..
أنا ياخالة متزوّج من سبع سنوات وماعندي عيال والحين رايح لأوروبا عشان نتعالج أنا وزوجتي إدعي لي ربّي يرزقني ولد .. تقول أنا على طول قلت له الله يرزقك إثنين وأشّرت بيدي كذا "
" ..المُهمّ راح ونسيت السّالفة وبعدها بشهرين جاء الرّجُل يدوّر عنّي .... جابو له كلّ عاملات الدّور العُلوي وما نفع ، فقالو بنجيب لك اللي يشتغلون تحت يمكن أنّها وحدة فيهُم ..المهمّ تقول جيت وعرفني بسُرعة وجاء يقبّل راسي..وقال لي ياخالة أنا زوجتي حامل بتوأم ومابعد كمّلنا العِلاج حتّى وأنا بعدماسمعت منها الخبر تذكّرتك يوم تأشّرين بيدك وتقولين اثنين..
.. وأحسّ دعوتك اللّي إستُجيبت فـ اختاري : يا أشتري لك بيت يا أشتري لك سيّارة يا اطلبي منّي أيّ شي تبغينه لأنّ ربّي مُنعم عليّ وعندي فلوس الحمد لله ..تقول قلت له "خُذني لمكّة"
!بعدين تكفّل لي بكلّ شي وأخذني أنا وزوجي المريض وسوّينا عُمرة ..تقول أنا كُنت أحلم وادعي بس ما توقّعت أنّي بروح لأنّي فعلاً ما أملك شي بس ربّي إذا كتب لك شي مُستحيل يروح منّك
المٌهم أنا نزلت دموعي وهي جات حضنتني وقالت يابنتي إذا رحتي فعلاً لا تنسيني من دعواتك أبغى أرجع للحجّ ..قلت إن شاء الله زيّ ماربّي كتب لك الأولى بيكتب لك الثّانية..طبعاً بعدها جات طيارة ثانية ورُحت فعلاً ودعيت لها هناك من كلّ قلبي أنّها ترجع للحجّ وما أدري وش صار عليها بعدين ..بس عرفت فـ ذيك اللّحظة أنا ليش رجعت؟رجعت عشان آخذ درس في قيمة الدُّعاء لمّاتكون كلّ الأسباب مُستحيلة ..
كُنت أعرف بس ما كُنت أستشعر ذا الشّي بشكل كبير ، حسّيت أن رُجوعي كان بس عشان هالدّرس ويُمكن عشان أنا أدعي لها وتروح للحجّ بعد مين يدري
!من بعد الحادثة تغيّرت نظرتي للدُّعاء وللمُستحيل وصِرت أدعي حتّى لمّا كلّ شي يكون ضدّ اللّي أبيه ..صرت أشوف أثر الدُّعاء هذا فعلاً بأبسط الأشياء وبتغيُّر بعض الأشياء بثواني قبل حُدوثها !
بالنّهاية أختم بمقولة كلّنا نعرفها :"إذا أرادَ الله أن يُعطيك ، أعطاك بسبب ، وبلا سبب وبما لا يخطُرُ على بالك أنّهُ سبب
" ،إستشعرو قيمة الدُّعاء فـ حياتكم ، حتّى بأبسط الأشياء ترى ربّي قادر على كلّ شي ، لا تيأسو ولو لحظة لأنّكم بتشوفون ثمرة الدّعاء هذا ولو بعد 