اختي cuty girl

اهنيئك حبيبتي على انك حليتي كل مشاكل شعرك وبشرتك :26:

وانا اسفه ماعندي رد عن استفسارك بس عندي استفسار لك


ياليت تفيديني ايش هي المشاكل وكيف حليتيها واذا كان استفدتي من عالم حواء ياليت تخبرينا

والله يوفقك

هلا الدانة مثل ماقلت بالأول ان الكل يمدح شعري وكثافته فصرت كل فترة وفترة أصبغه من دون العناية فيه لأن طبيعة شعري قبل الصبغ حلوة وماتحتاج للعناية بس بعد التدمير من الصبغة وخاصة الهايلايت الاشقر والصبغة السودة صار جاف فصرت أستخدم الزيوت والخلطات بشكل منتظم وأشتري الزيوت بروحهم وأخلطهم حسب الخلطة ومو لازم الزيوت العجيبة يعني قبل ما أتسبح بساعات لازم لازم أزيته بالزيوت الموجودة عندي أولا أسخنه عن طريق وضعه في كوب والكوب أحطه في وعاء ماء ساخن وبعد 20 أو 30 دقيقة أحطه بشعري واذا شعري وايد تعبان أسوي خلطة الزيوت بالثوم أو مايونيز أو حمام زيت بالبيت أول أسبوع 3 مرات والاسبوع الثاني مرتين والثالث مرة وبعد كل شامبو لازم بلسم أو ماسك الشعر من جارنييه وبعد الحمام سيروم او الكريم اللي ينترك على الشعر من vo5 واللي أنصح الناس بشراء منتجاتهم من شامبو وبلسم أما الزيوت العادية مثل اللوز زالسمسم وغيرها وزيوت الهنود أملا ونايل وبراشوت وجوز الهند مال الطبخ فظييع
أما بالنسبة للبشرة أنظفها مرتين باليوم بصابونة تبييض الرقبة فظيييييعة وأحط كريم للعيون من لانكوم وكريم مرطب من كريستيان ديور واذا بشرتج حيييل مرهقة وتنامين 4 ساعات باليوم وشكلج بالصبح مرهقة مافي أروع ولاأحسن من كريم غيرلان اسمه ايسيما ميدنايت سيكريت ولا تنسين الماسكات الطبيعية للعيون والبشرة أحسن من الماسكات الجاهزة وأما بالنسبة للكريمات الاقل تكلفة أنصح بمنتجات أولاي اللي كنت أتمسخر منها شفت دكتور بأوبرا ينصح باستخدامهم ونيتروجينا أنصح للعيون كريم شفاف من أولاي مرطب رهيب وينحط قبل الميك اب وكريم اولاي ضد الشمس والتجاعيد وحتى الميلك مالهم حلو وأما الميلك والتونيك الماركة الحلو أنا مجربة كلارنس وسعرهم حلو ومنظف عميق للبشرة وأي سؤال أنا حاضرة

أختي في كريم من نيتروجينا هو لوشن للوجه إستعمال يومي يحتوي على احماض الفواكه ، جربتيه ؟؟

والله ما جربته لكن ناويه أستخدمه أولاً على ركبتي ومن ثم أشوف النتايج