اللي جربت القيصرية في سعد تدخل

السلام عليكم
كيف الحال بنات
انا حامل في الشهر السادس ولله الحمد والمنة -ما شاء الله لا قوة الا بالله-ويارب عقبال كل محروم
المهم هذا الطفل الرابع وعندي قبل ثلاث بنات
في بنتي الاخيرة جاني الطلق اول يومين في التاسع ولا كنت ادري انه طلق
ورحت مستشفى قوى الامن في الدمام موعد عادي ويوم قلت للدكتورة عندي الم اسفل ظهري وبطني حطتني على الجهاز وقالت طلق
وقامت اعتفست وعفستني معها
قالت انت في الاسبوع 35وكم يوم يعني طفل خديج واحنا ما عندنا حضانة بنحولك على الولادة والاطفالوجلست اصيح كيف اطلع واروح للولادة والاطفال وانا ماعندي ملف عندهم وانا اطلق وعندي قيصريتين قبل والطلق زي ما تعرفون خطر اذا عندكرقيصريات
وسوا لي تحويل ونزلت لزوجي اصيح رجع وكلمهم ومن حسن حظي فضت حضانة وحدة ورجعوني وعلى طول عمليات وولدت ولله الحمد وخلص الموضوع بسلام
والحين انا احاتي بنات يصير لي لا سمح الله نفس اللي صار قبل
قلت لزوجي ابي اولد في سعد وسألت عن الولادة عند دكتور عدنان عاشور بروفسور قالوا لي زينة ومدحوها
بس راح تكون غالية نااااااار
26الف
تخيلوا
عيا زوجي في البداية وانا اصريت قلت مستحيل اكرر الموقف اللي صار واجلس اعتفس وقلعتها فلوس
رغم اني محتاجة ماليا جلست اجمع فلوس العملية وش اسوي
طبعا زوجي لازال معارض يقول انه ما يثق الا في مستشفيات الحكومة😫
فاللي جريت الولادة عند عدنان عاشور اسألها بصراحة وأمانة وش رايك فيها
وهل تنصحيني اولد عنده
وجزاكم الله خير