(اللي حيولدك طبيعي نحط ........ على راسنا..!!) قصة ولادتي..

صبحكم / مساكم الله بالخير جميعا..
واخيرا جا الوقت اللي اكتب فيه قصة ولادتي بفضل الله وكرمه..
انا بكرية وولادتي كانت مقررة يوم الجمعه 18 ذو القعده.. الساعة 9 المساءرحت المستشفى كشفت الدكتورة علي من اسفل ونزلت لها الموية مو صافية فيها صديد قالت لازم اعطيك مضاد حيوي عشان الصديد وانا بحسابها اصلا مطوفة يومين ع موعد ولادتي على طول دخلتني تنويم الساعه 11 مساء وحطوا لي مضاد حيوي وانا ماني حاسة بشي ابدا بس تعرفون بكرية ومااعرف شي فقمت ابكي من الفجعه بس بعدها هدأت وقعدت ادعي واستغفر واقرا قران لين نمت وصحيت الساعه 5 الفجر على الم في ظهري اقول لأمي تعبانه ظهري يعورني قالت لي هذا الطلق واقعد ادعي واستغفر كانت الطلقة تجيني لمدة دقيقة اخذ فيها نفس والله يابنات يروح الالم وتغيب عني سبع دقايق وترجع بس الحقيقة ماكنت اتألم مرره الا اللهم اول ماتبدأ الطلقة واذا اخذت نفس يخف الالم كثير طبعا هذا كله والرحم مفتوح 2 سم بعدها صار يجيني كل 5 دقايق بعدها كل 3 دقايق وانا مستحملة الله لايضيع لنا تعب بس للأسف الرحم ماكان ينفتح زيادة عن 2 سم وكل شوي تكشف الدكتورة وتقول الرحم مايتطور وعلى هذا الحال لين الساعة 10 صباحا كشفت الدكتورة ونزل علي الخبر كالصاعقة (( انتي مش حتولدي طبيعي )).. ليه..؟؟ قالت: الراس وقف في جهة اليمين ومو جاي على عنق الرحم مضبوط والحوض اصلا عندك ضيق. جلست ابكي واقول في نفسي لا كذابة الدكتورة بس عشان الفلوس تبغى تولدني قيصري (( تفكير غبي)) قلت لها باقوم امشي شوي قالت مايمديك تتحركي عشان بدأ ينزل دم مع المويات .. المهم.. قلت لها ما ابغى عملية حطي لي طلق صناعي...!! (( الغباااااااااااااااااء بعينه ياليتني ماطلبته..)) رفضت في البداية بس مع اصراري وكمان جا الاستشاري وقال بكرية بنصبر عليها وبدأت المعاناة مع الصناعي الله لايعيده من الساعة 10 صباحا الى 5 العصر وهو يضرب ضرب في ظهري (( الله يحلل الطلق الطبيعي )) وكل شوي يجون يكشفون مرة الدكتورة مرة الاستشاري الله يسترنا بستره مرة النيرس مافي امل الرحم وقف عند 3 سم وانا خلاااااااااااااااااص انتهيت لساني ثقل وعيوني تقلبت (( امي تقوله)) من كثر الالم وبعدها اصرت الدكتورة ع العملية وانا اعاند لا الا ابغى اولد زي الحريم قلت باطلع باروح مستشفى ثاني (( تخيلوا .. بعد هذي المعاناة كلها مستشفى ثاني)) قالت الدكتورة: (( اطلعي.. واللي حيولدك طبيعي ح نحط جزمته على راسنا..!!)) هي بس قالت كذا قلت انا هذي والله الوااااااااااااااثقة ارضخي يابنت وارضي باللي كتبه الله ودخلت غرفة العمليات 5 ونص وطلعت 6 طبعا غرفة العمليات قصة ثااااااااااااااااااااانية لاني تبنجت نصفي فكنت واعية لكل شي يصيروما ادراك باللي يصير ..!! اهم شي اني طلعت بالسلامة وجبت احلى عبدالله انا فدا روحه..

مايستفاد من تجربتي..
لاتعاندوووووووووووون ياحريم واللي يقوله الدكتور امشوا عليه تراهم ادرى بشغلهم يعني لو انا سامعه كلام الدكتورة كان الله كفاني شر الصناعي اللي الى الان وانا اعاني منه بالام في ظهري وجسمي كله بس عاد قدر الله وماشاء فعل.. واي استفسار انا حااااااضرة..:26:

الا بسألكم اخواتي..
الدكتورة قالت لي انتي راح تولدي قيصري ع طول عشان الحوض عندك ضيق..صحيح الكلام هذا..؟ وكيف اتأكد من كلامها..؟؟ وهل فيه احد نفس حالتي وقدرت تولد طبيعي..؟؟ ياليت تردون علي..!!