اللي زوجها احلى منها

السلام عليكم
في شي متعبني وحتكلم لكم كانكم خواتي
انا ولله الحمد مافيني جمال شكلي مرا عادي
ومقبول لكن جمال لا مافيني لكن نيتي حلوه واسلوبي حيل حيل على نياتي
حتى ناس تكلمو فيني واغتابو وسامحتهم لوجه الله الخالق وحده ونسيت ولا رديت لهم الاساءه ورجعت لهم احسن من اول
مع انه الكلام اللي جاني منهم جارح
الى هنا اوكي السالفه قبل سنه ونص تقدم لي شخص
انا بدون شعور رفضته بالبدايه لانه احلى مني بكثير
وخواته مزز صح وماشاء الله مادتهم احسن منا بكثير
خاصه اني ماكملت بعد الثانوي انا وخطبني وانا حول ٣٠
خواتي وامي وناس ىصديقاتي اصرو استخير وانه ممكن هذاه رزق من الله الخالق كاتبه لي وحدي
قلت كيف كل هذع فيه وجاي لي انا هذا ميه وحده تتمناه
تزوجت ولله الحمد لي سنه ونص الحين اقسم بالله
يابنات بدون مبالغه زوجي يموت فيني وكانه مسخر لي
لدرجه كثير من قريباتي مستغربات ويوصلني كلامهم
كيف اخذها وهو حلو؟
هي فرق عنه مو مره هي وهو يجنن. اي بنت تتمناه
انا ماهمني كلامهم اللي كاشرني الى هاليوم
ماعنذي ثقه بنفسي. معاه يعني احيانا اقول كيف يحبني
وهو احلى مني
واحيانا لما يحط عيونه بعيوني ارتكبك واتوتر اخاف
يدقق بملامحي
واحيانا اشوف نفسي بالمرايه واقول معقوله يحبني جد
او يضيع وقت او ايش
بتقولون كيف عرفتي انه يحبك كل شي تعامله اسلوبه
ميت يبيني احمل
واكثر شي جرحني مره وحده رمت علي كلمه
قاات الشينات دايم لهم حظ
وحظ الملايح طايح من بعدها وانا مكسوره
انا مانكر ان اسلوبي ونيتي مره حلوه
وخاصه يشوفني كيف احب امه وخواته كانهم خواتي
اعزمهم دايم وخواته دايم يسهرو عندي
ونمون ولله الحمد ع بعض
بس زي ماقلت لكم احس اني الى الحسن مو مستوعبه
احس اني زي بحلم مدري كيف اشرح لكم