اللي شغالاتها يطولون عندها تدخل رجاء ..

عنوان غريب لكن فعلاً على حسن معاملتي لهن ومع ذلك مالي حظ بالشغالات يمكن اعطيهم وجه بزيادة ودائما ارحمهم وأنه الحاجة جابتهم الان عندي شغالة سيرلانكية لها اربعة أشهر ..

1- رواتبها اعطيها شهر بشهر ولا عمري تأخرت عليها..
2- ترسل كل شهرين وهذي النقطة مضايقة زوجي يقول ماعندي شغل الا رواتبها والتردد على البنك.
3- طبعا الرسائل عشق السيرلانكيات لازم ترسل ..
4- و اللي خلاني استشيركم وهو مكالماتها لأهلها بالهبل أول ماجت كلمت بجوالي كذا مره وبعدين قلت خلاص انتظري راتب واشتري كارت وكلمي ومن استلمت رواتبها تقريبا كل يومين اذا تأخرت اسبوع بالكثير واذا ناقشتها قالت من فلوسي مدام !!
المشكلة كل ماكلمت اهلها قلبتها مناحة يوم كامل اختها بتعرس ولا حضرت , بنتها ماشتروا لها ملابس للعيد , خطيبها تركها وتزوج غيرها ( لأنها مطلقة )
أمس اشتريت لها بطاقتين بعشرين ريال وكالعاده مناحة طول الليل !!
واليوم جايبه 40 ريال تقول ابغى بطاقة !!
قلت لها امس كلمتي قالت بفلوسي !!
عصبت وقلت أنتي جايه هنا شغل ولا قرقر تلفون , فلوس انتي خلي بيبي مو كلام كثير بالتلفون ( يعني وضحت لها أنه ماتلعب برواتبها وأنه اهلها بحاجة فلوسها مو قرقها )
المهم تهز راسها وتقول بليييز مدام :06:
قلت لزوجي وأخذ الفلوس وحطها بالدولاب وقال تبطي عظم خليها تنثبر وقلت له أنت تفاهم معها خلاص مليت لأنها بتحن علي من صباح الله خير وتسألني عنها البطاقة بالطالعه والنازلة..

وش أقول لها ؟ وكيف اتفاهم معها بدون ماأخليها تشيل علي مو ناقصة تحقد علي وبالتالي عيالي الضحية خاصة أني موظفة ..ياليت اسمع رايكم ؟؟