اللي صارت لهم مشكله مع ناس قراب تدخل

بحاول اختصر لكم السالفه قد ماقدر
انا عندي بنات عم علاقتي فيهم زي خواتي
من يوم كنا صغار صح تصير احيانا بيننا حركات
وكم مره اسمع انهم يغارون ويتكلمون من وراي
لكن يهمني كيف يعاملوني بوجهي وكاني لي اقرب لي
من الخوات بوجهي ويسون لي ويحطون لي ويركضون لي
ويحبوني بوجهي طبعا عاد اللي بالخافي الله اعلم
سنين لنا ٣٠ سنه مع بعض وامي مره مع امهم
فجاه وبدون سابق انذار حصلت مشكله صغيره
مره مره
بين امي وامهم وهي شرهه وعتب من امي
على امهم فجاه ومدري شصار كبرت المشكله
وجت بنت عمي ارسلت وساله لامي بالواتس
باسلوب حاد وجاف
وكانها تكلم بزر مو حرمه بعمر امها
رحت انا كنت ذيك الله خلقه معصبه ونفستيي زفت
وكتبت لها رسااه طول بعزض انك ماتستحين تكلمين
حرمه بعمر امك بهالاسلوب الوقح كان احترمتي سنها و و
فجاه البنت قامت ترد علي وارد عليها
طلعنا نن سالفه الامهات وصارت كل وحده ترمي
ع الثانيه كلمه اقوى وكل وحده تذل الثانيه بمعروف
انا سويت لك
انا خذمتك انا كل شي عندي يهون الا اني
احس اني ذليتها بمعروف سويته لها
لان قالت مايحتاج تذكريني ترا مانسيت
هذا اللي قهرني اني كتبت لها انا سويت لك
مع ان ماكان ودي اكتب بس استفزتني لما قالت انتي
وش سويتي لي من افضال اصلا
ولا عمرك قدرتيني
المهم قبعت بيننا الامهات تصافو
وحنا كل وحده حذفت الثانيه وهي قالت
مستحيل اتقبلك بعد اسلوبك وكلامك معي وشحنت
خواتها علي وحذفوني وكل شي من السناب والواتس
انا ماهمني كل هذا بي قلبي يوجعني على الايام
اذا تذكرت ايامنا ومواقفنا اذا تذكرت وقفتهم
ووقفتي معهم. بتقولون بترجعون مستحيل
لان انا انصدمت فيها وهي نفس الشي
قالت مستحيل نرجع نتقبلك من جديد
انا تعبانه لااني متعوده عليهم زي خواتي زي اهلي
لي اسبوعين فاقدتهم والله ختى نفسيتي منسده عن الاكل
والنوم مانامه الا ساعتين بكل ليله الموضوع شاغلني ومعور قلبي
فيه امل انسى واتاقلم على وضعي الجديد