اللي عندها أهل زوج تجي

رجاء لحد يسب ولايعلق تعليق سيئ ردي رد زين أو اسكتي
اللحين لي سنتين مارحت أهل زوجي السبب مشاكل معهم خصوصا ابوه الله يهديه ولا كان عادي ازورهم واجلس معهم
بس مع ذالك ماقطعت علاقتي فيهم نهائي بين فتره وفتره اكلم ام زوجي وتطمن عليها وعيالي يروحون لأهلهم مع ابوهم واحياننا شغالتي تروح تمسكهم إذا هي فاضيه لأنهم حركاتهم واجده بس هم أهل زوجي مايدقون علي ويتطمنون على عيالهم لو عرفوا انهم تعبانين وانا اتضايق بتقولون مشغولين هذي حركاتهم من زمان لي 8 سنوات متزوجه وهم معي كذا حتى قبل مشاكلي معهم نفس كذا آخر مره كنت رايحه لأهلي الرياض زياره جمعه وسبت واحد من عيالي تعب ويوم رجعت لديرتي اخته جات معنا بالسياره تزور أهلها وشافت ولدي تعبان يستفرغ بالسياره ولما وصلنا لديره وديته للمستوصف وخليت الباقين عندهم وجيت وأخذت عيالي ورحت البيت وجلست أسبوع مادقوا يسألون عنه وعيالي كلهم تعبوا ولاحد دق يروحون ويجون عندهم بين فتره وفتره مايقولون لزوجي اجلس مع عيالك تعشا حتى لو كان زوجي مع العيال يروحون لهم المغرب ويرجعون العشا مايأكلون عيالي عشا ولا يعطونهم سناكات زي بسكوت أو تسالي أو عصير مع ان حالتهم الماديه كويسه حتى هديه أو لعبه ماعمرهم أحسبوا عيالي لي 8 سنوات ماعمرهم ذكروا عيالي بشي صحيح انا ما أقصر على عيالي بس عشان ولدهم مو عشاني حتى زوجي على قده راتبه وانا موظفه وعلي قروض والتزامات وهو نفس الشي ماعمرهم قالوا بنساعد ولدنا انا اشوف تصرف اهلي مع مرة اخوي والله الحمد اهلي ناس على قدهم واخوي موظف راتبه كويس ومع ذالك لما يجون عند اهلي ويتعشون امي تعطيهم بعض الأغراض واخوي يرفض وإذا جات مناسبة أو عيد امي مع اختي يشترون ملابس العيد او ملابس مناسبات لبنات اخوي ماقالوا على قدنا ومرة اخوي لما حملت وتوحمت على الطبخ وامي شافت بنات اخوي مشتهين اكل معين تطبخ وترسل لهم ماقالت وشدخلني فيهم وغير كذا اخت زوجي الصغيره آخر سنه في ثالث ثانوي معي بنفس المدرسه تشوفني وتصد عني مااسلم ولاتبتسم بوجهي واشوف خالتي اخت امي نفس تصرف امي مع حريم عيالها تطبخ وترسل لهم وتعطيهم بعض للأغراض مع ان عيالها رواتبهم حلوه اللحين بعد كلامي هذا وش رايكم بقلبي غصه من زمان