اللي عندها بنوته بلغت تدخل

جروووح إنسانه :

الله يغمد روحها الجنه ويخليك يارب لهم خيتي انا مو متزوجه ولا عندي بنات بس عندي خبره بسيطه دايما اغلب البنات بهالمرحله يحسو بخوف وكمان يستحو يتكلمو عن اللي يسير معاهم لأي احد انتي أدي دورك انتي اختها الكبيره لمن بلغت اختي الصغيره انبسطت لها عن جد.. امي ماعلمتنا اشياء كتيره فماكنا نعرف وكبرنا ونحن بس وقت الدوره نستخدم الايلويز ونغيرها ولمن نخلص نغتسل وبس ماكانت تعرف انو بعض الاشياء ممكن تكون مضره وقت الدوره اول شي علميها كيف تحط الايلويز بالكلوت ومتى تغيرو...يعني كل ثلاث ساعات تغيروو ولو كانت غزيره مره كل ماتحس انها مو متحملتها يعني ساعتين او ساعه وخليها تعتني بأكلها وشربها ..ابعديها عن البارد والغازات... فهميها انو هالمرحله اللي هي فيها بداية نمو بتنمو وبيتغير بجسمها اشياء ولازم تحافظ على بشرتها ووزنا وجسمها عشان لايتخرب مع الوقت بالنسبه للنتف...افضل انك تعلميها انها تنتف شهر وشهر تحلق ولو ماتعرف تستخدم الحلاوه علميها انتي بجزء من جسمك او جسمها..وقوليلها هي تحرق بس عشان تطلع النتيجه حلوه لازم تستخدمها وقلتلك تستخدم الموس شهر...بس عشان المنطقه عندها ماتترهل في طريقه مره حلوه كتير تكلمو عنها انا للأسف ما استخدمتها تجيبي موس فينوس وترشي شوية نشا الذره على المنطقه ولازم تكون جافه وتحلق ويكون الموس ناشف هدي الطريقه بتطلع الشعر بعد فتره طويله وكمان ماتغمق المنطقه عندها علميها تنتف الإبط وتختار موزيل العرق اللي يناسبها وتحسي انو مايطلعلها لا سواد ولا ريحه وقت الم الدوره سويلها بابونج وأبعديها عن الحبوب المسكنه ممكن تضر فيها بعدين خلي كل شي طبيعي وهو الافضل لها من دحين علميها تنشف المنطقه بعد كل استخدام للحمام...حطي لفة المناديل وتتنشف مزبوط عشان الرطوبه مع الوقت بتخلي المنطقه غامقه عندها ترطبها بزيت لوز وكمان حاولي يكون غذائها سليم...هالمرحله كل الاكل بيبان على جسمها يعني لو كانت من محبي الغازات والمقليات خليها تخفف لأنها بتسير مبقعه سواد بمناطق بالجسم ولمن حتكبر حتتعب وهي تعالج فيها وزي ماقلتلك هدي اختك وبتقتدي فيكي.. واللي بتسويه انتي هي حتسويه ..خليكي قريبه منها مره واتونسي واضحكي ولاتكوني قاسيه ولا تكوني لينه مره كوني اختها وامها بنفس الوقت والله يسعدك ويجزاك كل خير

الله يغمد روحها الجنه ويخليك يارب لهم خيتي انا مو متزوجه ولا عندي بنات بس عندي خبره...