اللي عندها خبرة بضيق الحوض

انا فكيت الربط بداية التاسع قبل لفك الربط اخذوا علي سونار طبعا دكتورة اللي أخذت علي السونار قامت تسألني أسئلة كم مره حملت قلت ثلاث مرات وسقطت مرتين وسالتني على كم شهر وقلت على اربع شهور وكم لك متزوجه قلت سنتين 9 اشهر
قالت اولدي قيصري لان هذا الولد الغالي
وبعدين اولدي طبيعي قلت الولادة القيصرية فيها مخاطر قالت وبعد الولاده الطبيعية فيها مخاطر قالت كم عمرك قلت 35 سنه قالت وهذا سبب لان اللي بها العمر تولد قيصري لانه ممكن يصير عنده نقص بالاكسجين قلت ممكن مايصير عنده قالت ممكن بس طيب هذي الاسباب ماهي كفايه
سالتها عن وضع الجنين قالت راسه لتحت قلت ربي ان شاء الله رايد يجي طبيعي وقالت وأنا عندي ولدين وعمري 34 ولو حملت راح أجيب قيصري
ودكتوره الثانية اللي فكت لي الربط تقول راح تولدين قيصري لان الحوض ضيق طبعا هذا الكلام يوم قصت الخيط وتقول انتي عمرك فوق الثلاثين وبها العمر تقل الخصوبة وأول مره تولدين وطريق مسكر وراح تضرين نفسك لانك راح تاخذين نصف يوم علشان تولدين علما أني سقطت مرتين على اربع شهور وسبق قالت لي دكتوره ان حوضي ضيق يوم اسقط الجنين الثاني وكنت على اربع شهور طبعا دكتورة قالت اطلعي على مسووليتك وابصمي انك رافضه العملية
وبالفعل رفضت وطلعت على مسؤوليتي
رحت للمستشفى ثاني قالت دكتوره المحك الرئيسي على ضيق الحوض هو دخولك بالولادة قلت تقول عمرك فوق الثلاثين قالت فيه حريم يجيبوا طبيعي وهم بالأربعين وقالت ليش انتي تعانين من أمراض قلت لا
قلت يقولون انه ممكن يصير عنده نقص بالاكسجين قالت انتي راح تكونين تحت الملاحظة قلت هل انا بكر قالت تعاملين معاملة البكر وانتي منتي بكر وقالت ان الجنين راسه التحت
مارايكم بهذه الآراء ؟