اللي عندها خلفية عن مركز لافانيا سبا تفييييدنا

رفع لعيونك حياتي

وين مكانه

اذا تعرفين عيادة ذرية هو جنبه على طول
شارع تركي بن عبدالعزيز الاول يجيك على اليسار

مرحبا اختي احلى رومنسية

انا اختج ضبي الرمال من قطر

وسمعت عن هالمركز عن طريق قريبة لي
وكانت ايام تحضيراتها للزواج دايم تروح عنده وتمدحه كثير

واكثر شى هي تقنية الكراتين لاعادة نمو الشعر

واتمنى اكون افدتك

واذا جربتي اي شى ياريت تفيدينا

حبيت انقل لكم تجربتي مع العلاج بالكيراتين البرازيلي!!

سويته بعد ما سويت عنه بحث على النت واتصلت على الشركه حقتهم

لأن بصراحه كثر النصب في هالمنتج!!
مراكز تجيب لي فرد رخيص من الفلبين وتقول لي كيراتين برازيلي...

للأسف كنت ضحيه لهالموقف قبل 3 سنوات تقريبا صار شعري خطوط كأنه مساطر

انتظر كل ما طال حبتين قصيته الين راح كله!!

انا انعدمت عندي الثقه في كل المنتجات اللي هنا!!

المهم بعد فتره جتني وحده من البنات في الدوام تقول لي عن البرازيلين بلو اوت اللي مسويته في لندن في الصيف
البرازيلين بلو اوت هو نفسه العلاج بالكيراتين البرازيلي بس يدلعونه!!
لأنه مو قوي مره و ما يسيح الشعر بقوه ويخلي اطرافه مستقيمه مثل الفرد العادي او اليوكو

قالت لي البنت ان المنتج اللي عندهم اسمه مارسيا..
دخلت على الحبيب قوقل ولقيت موقعهم
Brazilian Keratin Treatment by Marcia Teixeira - BKT Global Authority - Complex Hair Treatment

اتصلت على نفس الشركه وهي موقعها في امريكا "ميامي فلوريدا"
كلمت المندوب وقلت ابي موزعكم في السعوديه
قال الى الان مافيه وكاله لكن فيه مراكز تشتري من عندنا ويشحنونه لهم!!

اخذت منه اسم المركز اللي يتعامل معهم في السعوديه
الصراحه ما فيه الا مركزين تقريبا

يمكن يكون فيه اكثر طبعا بس يشترونه من موزعين ثانين مو من نفس الشركه

اتصلت في المركزين وقارنت الخدمه والأسعار والخبره
واحد من المراكز اللي الصلت عليهم الأخصائية الفلبينيه اللي عندهم ماخذه دوره على نفس المنتج وعندها خبره فيه!!

بعد الإستخاره رحت لهم ومسوين خصم 30% محدوده .. مدري الى متى الصراحه!!

شعري وسط يكلف 3500 ريال قبل الخصم صار بـ 2450 ريال

توكلت على الله وبديت..

والله اني ما كتبت الموضوع الا اني مجربه متبهدله في المراكز
وكا شعري الضحيه
وانا قطعت عهد بيني وبين شعري اني ماعاد اتعبه معي او اسيء
له بمنتجات تقليد او الغرض من والربح المادي على حساب الزبونه المسكينه اللي حاطه ثقتها في غير محلها!!

المهم سويت الكيراتين البرازيلي.. وصراحه فرق السماء عن الأرض عن اللي سويته من كم سنه

شعري ما صار سايح مره بس نعومه مثل شعر الأطفال و صارت فيه لمعه وااااضحه
كأنني مسويه حمام زيت

أنا شعري قبل كان بدون استشوار كاااااااش ومنفووووش

و عشان استشوره ياخذ تقريبا 20 دقيقه

الحين بدون استشوار النفشه خفت 65%
وماعاد صرت استشوره دايم لأن شكله بدون استشوار حلو
بس استشور الغره
صار طبيييعي مو مثل الفرد يلزق في راسي!!

وإذا حبيت استشوره 10 دقايق بالكثييييير


لا تنسون المنتج اسمه marcia teixeira
حطي اسمه على اليوتيوب وتشوفين كيف طريقة التصليح!!
كل الخطوات وااااضحه وشكل العلبه واضحه

وسبب ان سعر الكيراتين غالي في المشاغل لأنهم يشترون المنتج غالي!!
فيه مراكز تسويه ب500 و 700 بس تلقينهم شارينه ب 200
للأسف انا يوم سويته أول مره كلفني 2400 ريال وشعري قصير حد أذني وفي الأخير مكتوب عليه "ريبوندينق"
يعني فرد ومصنوع في الفلبين!!!!
ماودي اضر المشغل واخرب سمعتهم بس الله يعفو عنا وعنهم المفروض ما يكذبون ويقولوووون كيراتين برازيلي بالكذب
بس انا اتحمل مسؤولية غلطتي لأني ما استفسرت الا بعد ما شفت شعري كأنه اسلااااك و متمدد
الحمدلله على كل حال والله يعوض علي

المشغلين كلها موجوده بالرياض
اللي أنا تعاملت معه اسمه لافانيا سبا
في التخصصي تقاطع طريق مكه
رقمهم 4429966