اللي عندها راي وحكيمه تدخل

السلام عليكم ورحمة الله
بشاوركم بموضوع
أنا متزوجه من سنه وسبع شهور
طبعا من شهر العسل كشفت خيانات زوجي
اهلي نصحوني اتركه
رجعت له كنت متأمله انه ينصلح ويترك هالامور وكنت ماعرف طبيعة علاقاته
طبعا ماتركها الى يومه هذا
وكل مره اكشفه ويوعدني مايرجع وللاسف يرجع
آخر مره كشفته قبل اسبوعين
قريت رساله نصيه بجواله مواعد وحده بالسوق وينتظرها تجي تركب معه
هذا غير رساله قريتها بالتانقو يواعد وحده يشوفها بالسوق وياخذها ويستاجرون شقه ويفلونها مع بعض على قولته
واجهته بهذا كله وتفشل وخاف بنفس الوقت
لاني كنت اجمع اغراضي بتركه
وقعد يتأسف ويحب راسي ويقول أنا آسف ومن هالكلام ،،،
المهم ارسلتله رساله انه اذا تكرر هالشي بنهي حياتنا واني توي بعز شبابي والف من يتمناني
انت الخسران والضحيه عيالك .
طبعا أنا بيني وبينكم احسه طاح من عيني
خلاص
هذا غير عن عيوبه الثانيه مايحب يودي ويجيب
مايحب يطلعني من بيتي لبيت اهلي
واذا وداني لاهلي يتعيجز يجي ياخذني
يخليني انام عندهم
راعي سهرات مايجي الا الفجر
أنا قاعده أفكر هاليومين مادري تفكيري صح والا غلط والا الشيطان يوسوس لي بيخرب حياتي
أفكر اني انفصل عنه
لاني ماحصلت سعاده معه
افكر اقول ليش اظلم نفسي
يمكن اذا تطلقت منه اتزوج واحد يعرف قيمتي يسعدني يتحمل مسؤوليتي
مع العلم انو معي ولد وحامل الحين وعمري ٢٩
ابي آرائكم ونصيحتكم مابي كلام قاسي وجارح
اللي فيني مكفيني


لا تنس ذكر الله (( سبحان الله وبحمده سبحان الله العظيم ))