اخباركم يا بناااات حواء
حبيت ابدي بالموضوع دايركت
اول شي كلنا نحلم بأن يكون عندنا طفل وتعيشين معاه
من اول مرحلة يوم ينفخ فيه الله سبحانه وتعالى الروح بالرحم
لين الولادة وتشوفينه يكبر ويكبر قدام عينك
لــــــكــــــــن
لأسباب عده تأخر الحمل وكل وحده ولها مشكلتها يا تكون منها او من زوجها
ومعظمنا جربوا مستشفيات وعيادات وممكن سفرات للعلاج بالخارج
وكل دكتور او دكتورة يقولون كلام واحنا نسوي كل اللي يقولون عليه
وبدون فايدة وكل شي طبعا بيد الله سبحانه وتعالى ولازم ما نيأس من رحمه لان رحمه
رب العالمين واسعه لازم نصبر وندعي ونستغفر ونحاول ونلجأ الى الله اكثر واكثرولا نخلي الياس يدخل قلوبنا
ولازم يا عروسات راح اسميكم عروسات للي ولا مرة حملت اوكي
احنا نعتبر عروسات لي الحين بما ان الله ما رزقنا بالذرية ولازم نعيش
حياتنا طبيعية وحسسي نفسك انك عروس لبسي وطلعي واستانسي
مثل بداية الزواج وشهر العسل ونحاول ننسى شوي او نتناسى هالشي
ويكون عندنا ثقة بنفسنا ويقين بأن الله بيوم من الايام راح يرزقنا ان شاء الله قادرعلى كل شي
وخلونا نسوي هالموضوع لنا ونسوي فيه افكار حلوة لاازواجنا
وحياتنا اليومية والروتين اللي يصير بالبيت وننسى شوي
فكره الحمل
بس مو معناته ما ندعي ولا نعالج لا مهو قصدي قطعي الامل بكل شي
بالعكس نعالج ونستمر بالدعاء واحنا مرتاحيين مطمنين مستانسين
ولا كأنه في شي والحمدلله على الصحة والعافية عندنا عيون عندنا
يد عندنا رجل نقدر نمشي وعندنا وعندنا .. الحمدلله رب العالمين
على كل اللي وهبنا اياه نحمد الله ونشكره مليون مرة
فالحين يا عروسات استانسوا ولا تضيعون هالفرصة بكره راح يجووونا
عيال ما نقدر نسوي شي لا ليله زوجية ولا افكار ولا ناخذ راحتنا
المفروض الحين نروح نسافر نحجز فنادق شاليه مخيم وناسة
انتي ورجلك ليه ما نعيش حياتنا لي متى كذه مصكرين على نفسنا
وقاعدين والله من كثر القعدة البيت زاد وزني بدون لا احس
راح ادلل زوجي ادلعه اوكله اشربه اسوي له اللي يبي وما اخلي عليه قاصر
واحسسه ان اهوه البيبي ترى والله الرجال طفل كبير نقدر نروضه
ونهديه يوم قولي له تعال ابي اسبحك اليوم ولعبي معاه بالرغوه
يوم سويله مساج يوم قولي له تعال معاي المطبخ نطبخ مع بعض
خليه يساعدك وناسه شرط راح تصير مواقف وتضحكون عليها
خليه يشاركك كل شي ومعاك بالحلوة والمرة الله يبعدها عنكم
احس كني حولت الموضوع من تأخر الحمل الى الحياة االاسريةخخخخخخخخخخخخ
المهم
والله يا بنات لو ما احبكم واعزكم وحاسه فيكم لاني مجربة هالشي
ما اقول لكم الكلام اللي طالع من قلبي وعلى طول كتبته لكم
لازم نتدلع احنا عروسات ليين الله يكتب لنا الحمل ان شاء الله
ونحط ببالنا ان احنا تونا متزوجين وما نفكر بالحمل
والشي الضروري والمهم جدااااااااا
كلام الناس اللي يقطونه علينا لازم يكون عندنا ثقة بنفسنا ونرد عليها
بثقة وبكلام يخليهم يسكتون ويحرمون يسألونك مرة ثانية
وهذي بعض الاجابات بغغشكم خخخخخخخخخخخ
( الحمدلله على كل حال اهم شي الصحة والعافية )
( احنا مأجلين لاسباب خاصة بيني وبين زوجي )
( توني صغيرة خلوني اتهنى بشبابي )
( لاحقين الصجه والازعاج تالي الليل )
( كل شي بيد رب العالمين مو بيدي )
( الله ما كتب لنا )
( كل شي بوقته حلو )
( هذا شي خلاص بيني وبين زوجي)
( ما احب اتكلم بخصوصياتي )
( ادعوا لي )
( الله كريم )
هالاجوبة راح يسكتون ان شاء الله وتفائلوا واستانسوا والله
العمر ترى يمشي واحنا مو حاسين فيه عيشي حياتك
عيشي يومك
نبي نكون على قلب واحد
نكون يد وحده
نفرح بعض ونضحك
يا ويلكم مابي اشوف وحده زعلانة او متضايقة داخله موضوعي
خلوووونا يد وحده والله يرزقنااااا بذريه الصالحه اللي تبرد على قلووووبنا
يلزم عليك تسجيل الدخول أولًا لكتابة تعليق.
noram
•
اللهم ارزق كل محرومه بحواااء بذريه الصالحه
noram :
اللهم ارزق كل محرومه بحواااء بذريه الصالحهاللهم ارزق كل محرومه بحواااء بذريه الصالحه
اميييييييييييييييييييييييييييييييييييييين
تولين 23
•
مشكوره يالغاليه ع الموضوع معك حق بكل كلمه الله يتمم لكل الحوامل ويرزق المتاخرات يااااارب العالمين بس ما تحسين ان صعب الوحده تتناسى
تولين 23 :
مشكوره يالغاليه ع الموضوع معك حق بكل كلمه الله يتمم لكل الحوامل ويرزق المتاخرات يااااارب العالمين بس ما تحسين ان صعب الوحده تتناسىمشكوره يالغاليه ع الموضوع معك حق بكل كلمه الله يتمم لكل الحوامل ويرزق المتاخرات يااااارب العالمين...
طيب اذااا جلسنااا 24 ساعه نفكر بلحمل ودفنا نفسنا بلحيا هل بنحمل ليه ما نعيش حياتناااا وننبسط ونحاول نتنسا وصدقيني افضل لناااا :39:
الصفحة الأخيرة