اللي موجودات الحين بسرعة سااااااااااعدونى

:44:انا اليوم صارت لي مشكلة مع زوجي وابغى رايكم والله مانمت من القهر

انا اليوم انا وولدى الوحيد اللي عمره سنه انحبسنا في غرفه لمده 8 ساعات وماعندى لا اكل ولا مويه ولاحليب لولدى ولا اي شي ولا عندي اي وسيله اتصال مع العالم وقعدت محبوسة من الساعه 6 المغرب الين 1 ونص بالليل هذا كله وانا متحمله الجوع والعطش ومافي حمام كمان وولدي يبكي مانى عارفه ايش اسوي له


مانى عارفه اتصرف ماعندي الا شباك يطل عالشارع بس خايفه انادى الناس او اكلم اي احد قعدت قلت امكن اهلى يدقو على الجوال والبيت وماحد يرد يقلقو ويكلمو زوجي والاهو يدق ولما ماارد ( لان الجوال والتلفون في غرفه تانيه ) يجي وقعدت استغفر وادعي وصابره ومااحد جاء


الين وقت جيه زوجي قربت والساعات تمر ببطئ وانا مفجوعه وخايفه وعطشانه وولدي جنبي يبكي من الجوع واسكته اعطيه صدري وهو مافيه حليب

المهم زوجي عاده يجي 12 باليل او 12 ونص وانا استناه على نار وبدات افقد اعصابي مع بكا ولدى وابكي وزوجي ماجا وانا قاعده اطل من الشباك الشارع خلاص فااااااااااااااضي وصرت خايفه يصير لنا شي وماحد يدري عنى


واستنيت الي الساعه 1 باليل وزوجي اتاخر قلت شكله راح مع اصحابه وحيتاخر للفجر:icon33:وانا بتجنن مافي ولا احد بالشارع الين مر رجال طلعتله من الشباك وانا لابسه شرشف الصلاه ومغطيه وجهى وناديته لو سمحت ورميت له بورقه كتيبت فيها بسرعه لانى خايفه يروح انا محبوسة في الغرفه الرجاء الاتصال على... وكتبت رقم زوجي المهم الرجال الله يجزاه الخير دق عليه وانا استنى زوجي ماجا الا 1 ونص هذا والرجال مكلمه اجل ولو ماكلمه كنت بموت انا ولدى

المهم جا وحاول في الباب الين دفه بقوه وفتحه وجا عندى يهزانى شوي ويضربني فضحتينى قدام الناس انا كنت مع اصحابي ويدق على واحد من الشارع يقولى حرمتك ماادري ايش فيها الناس ايش يقولو عنى ...... تخيلو وانا اصلا كنت منهاره ابكي من قبل مايجي ودخل على وانا ابكي مارحمنى الا قعد يهزا قلتله انا بموت انا وولدك قالى موتى والا انحرقي ولا تكلمى احد وتفضحيني
انا خلاص انهرت ورحت دقيت على امي وانا ابكي واقلها بالسالفه كلها قعدت تهديني قلتلها تعالو خذونى من عنده مارحمنى وقاعد يهزانى ويقولو مره تانيه تموتى ولا تتكلمى المهم مارضيت ترسلي احد وهدتنى قلتلها طيب كلميه كلمته وهو ولا كانه متمسك برايه لا وقفل منها وكمل تهزيئ وقالى انقلعى من وجى ماابغى اشوفك قلتله ماتبغي تشوفنى طيب وديني لاهلي قالى مااوديكي هم يبغوكى يجو ياخذوكى :mad:

وبعدها ولا كلمنى اكل ولا قالى تعالى كلي حتى وراح نام

ايش اسوي اروح بيت اهلى عشان يتادب ويحترمنى والا معاه حق انا غلطانه مو عارفه ايش اسوي قولو لي من الغلطان الله يجزاكم خير ولا احد يقولي غيران لانه انا انسانه ملتزمه وهو واثق فيني مليون بالميه انى محترمه عاد هو اللي يسافر دايما ويكلم حريم ويضحك ويقولي عادي شغل وانا شوي ويطلقنى :44: