اللي ولدو وعندهم طفل او اكثر ياليت تجاوبوني بكل صدق

صديقتي ماشاءالله حملت وولدت ورجعت مثل اول رشيقه
وصديقتي الثانيه لا سمنت ولا عاد نحفت
ووحدا من جماعة ماشاءالله رجعت مثل اول
فأتوقع ع حسب طبيعة الجسم .

مافي شي اسمه بيرجع مثل ماكان ولا في شي اسمه مستحيل
نظمي اكلك..خليك مستمرة ع الرياضة
اشربي لترين ماء يوميا اربطي بطنك بعد الولادة حيرجع خصوصا اذا الزيادة مو كثيرة
ولا تنتظري النتائج السريعة اشتغلي ع نفسك صح
خواتي ٢وحدة انجبت 3
بينهم اعمارهم تقريبا 9-6-تسعة شهور
للان بطنها تمام
ما بدأ فيه الترهل الا بعد الطفل الثالث ولسى م اقدر اجزم انه ترهل لان طفلها صغير
اختي الثانيه جابت ٥
انجبت الاول والثاني وبينهم اقل من سنتين
بس كان بطنها وجسمها تمام خصوصا انها نحيفة جدا وما تزيد اكثر من 4 كيلو ف الحمل الا انها تشتغل ع نفسها بشكل ممتاز
لما انجبت الطفل الثالث قضاء الله توفت بنتها الاولى بعد ولادتها بفترة بسيطة فما عادت تهتم بنفسها نهائيا
فضل بطنها مانزل بعد اقل من سنة من وفاة بنتها حملت
وتوفى ااجنين في بطنها وكان كبير في وقت متقدم من الحمل
فلما ولدت تضاعف اهمالها..
السنة انجبت الطفل الخامس حاولت تهتم لكن بطنها يعتبر بارز جدا ولما تحمل بسرعة يبان بطنها

شوفي البطن يرجع بعد كم شهر بس يطلع ليين مو مشدود زي قبل
ومع التمارين تنشد عضلات البطن بس يبقى الجلد لين ويتمطط يعني اللي تبيه مشدوود لازم عمليه يزيلون بعض الجلد الزايد

الأجسام تختلف مافي قانون يمشون عليه كل البشر وكل الأمهات..
جسمي وطبيعته يختلف عن جسمك..


بس الاهتمام يفرق حتى مع اللي جسمها يتغير..


في بنت خالتي عندها اثنين وثلاثينيه وجسمها كنها بنت في المتوسط نحيفه ومقطقطه وطبيعة جسمها هذي من عرفتها..


وفي ناس من اول حمل تتغير وتهمل نفسها..


وفي ناس تهتم ومايتغير جسمها كثير مع انه جسمها تغير مع الحمل بس تهتم بالأكل والرياضه وترجع مثل ماكانت..


انا عندي اثنين ومااحس جسمي تغير كثير بفضل من الله طبعا، ولاني احاول احافظ على نفسي،
وقت الحمل اكلي بسيط وصحي وبعد الولاده احتمي واسوي رياضه وكثير ينصدمون لما يشوفوني يقولي ماتغيرتي عن وانتي بنت بس زايده حول الخمس كيلو..


قبل فتره نزلت هالخمس كيلو والحمدالله احس جسمي ماتغير عن وانا بنت..
والحين رجعتهم وجالسه احاول انزلهم من جديد 😂


بس انا عارفه لطبيعة جسمي وانا لو أعطيت نفسي مجال اسمن بسرررعه مره لكني محتميه وغالب الوقت محافظه على اكلي ومشروباتي كلها بدون سكر ومن بعد ٨ الليل مااكل شي وامشي كثير وفتره أشد نفسي ع الرياضه وفتره اتركها وهكذا..


اذا جسمك قابل للسمنه انتبهي وحافظي واذا ولدتي سوي رياضه خفيفه مثل المشي او الاوربتراك او العشره ميل وترجعين ان شاء الله..


والغي من قاموسك فكرة اني اكل عن اثنين، كلي باعتدال وكثري فواكه وخضار وان شالله تقومين بالسلامه..

عندي اكثر من طفل ربي يحفظهم ويبارك فيهم
وجسمي هو هو ماتغير من قبل الزواج للآن نفس وزني و رشاقتي تبارك الله
اهم شي اذا حابه تهتمي بجسمك لاتخلفي ورى بعض ابدااا اعطي جسمك فرصه ثلاث سنوات اقل شي بين كل حملين
رطبي جسمك خصوصا بطنك كثيرررر وقت الحمل عشان ماتطلع لك تشققات و بعد الولاد اربطيها او البسي مشد واهتمي بالتقشير و الترطيب و التمارين وخلال 6 شهور من الاهتمام ترجع بطنك مثل قبل الحمل وهي اهم شي في الجسم
افضل تمرين يشد بطنك وجسمك المشي السريع لمسافات طويله مع شفط البطن للداخل وانتِ تمشي
حاولي اكلك يكون صحي كثري خضار وفواكه ولاتكثري من الدهون و اللحوم والحلويات وقت النفاس واشربي مويه كثييييير
اذا زاد وزنك وقت نفاسك من الاكل صعب جداً نزوله
اما وزن الحمل نصه يروح مع الولاده و الباقي خلال شهور تنزليه وتسترجعي وزنك السابق بس شوية اهتمام و صبر


و ربي يتمم لك على خير و يقومك بالسلامه.