اللي يعانو من الالتهابات <<<تعاااالو

السلام عليكم ورحمة الله وبركاته

اللهم صلي على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم ...



بادخل بالموضوع على طووول


انا قبل فترة يمكن اسبوعين والله اعلم

فجأة جاتني حكة بالمنطقة الحساسة ولاول مرة تجيني
والله يابنات انا استغربت من نفسي الحكة مو طبيعية
قوووية مرررة

وجاتني معاها بنفس الوقت افرازات

في البداية انا قلت يمكن يومين وتروح

لمن شفت الوضع طول

صرت اغسل بموية وملح واشرب عصير توت لاني سمعت انه يشيل الالتهابات

وجلست فترة تقريبا شبه يومي اغسل بالموية والملح واشرب العصير

وصارت الحكة ترووح وترجع قوية وزي كده

الين جيت في يوم اطالع والاقي منتشر عالجلد من برى بقع حمرا

والحكة زادت

انا سبتها

اول امس باليل انفجعت من المنظر اللي شفته

والله يابنات طلعت فطريات عالمنطقة كلها من برة ولونها على رصاصي ومكونة زي الطبقة عالجلد وتتقشر

يعني المنظر مققققرف الله لايوريكم

<<<لعلمكم انا موظفة بمستشفى وطبعا كل يوم لازم استخدم حمام تستخدمه غيري فوق ال30 موظفة واتوقع دا السبب
لانو عمري ماعانيت من دا الشي

عشان كده يابنات انتبهو من الحمامات العاامة
ويستحسن تشيلو في الشنطة بخاخ ديتول


المهم نرجع لموضوعنا


انا لمن شفت الفطريات دخلت النت وكتبت مشكلتي هنا في عيادة التناسلية ومحد رد عليا
بعدين دخلت الجوجل وجلست ابحث..
واكتئبت والله شوي وابكي
لقيت اللي كاتبين انهم جلسو شهووور مااتعالجو منها

واللي كاتبة انها استخدمت غسول واللي استخدمت كريم ... طبعا انواااااااااع الادوية


ثاني يوم لمن رحت الدوام قلت مابدها لااااااااازم اروح لدكتورة


والله ورحت وحكيتلها اللي صار
وقالتلي لاتخافي هذا من الحمامات العامة وعشان دحين جونا حار ورطوبة ف لازم يصير كده

وكتبتلي على مضاد sporanox اخذ حبتين على معده مليانة وبعدها ب12 ساعه اخذ حبتين وبس


,كتبتلي على مرهم كيناكومب
استخدمه 3 مرات باليوم لمدة 7 ايام
وقالتلي بسسسس شطفي بموية دافية ونشفي مرررررة كويس
ولا استخدم اي نوع من انواع الغسولات ابدننننن
ولاموية وملح ولا شي

والبس ملابس داخلية قطنية

واقلل من الجينزات والاشياء الضيقة قدر الامكان



المهم انا سالتها
اذا اتشافيت ان شاء الله ايش احسن نوع غسول استخدمه
قالت بسسسس صابون الديول السائل
تخففيه وتستخدميه



وبس
انا طبعا كتبت تجربتي وحاولت اوصف كل اللي حصل بدقة
عشان اللي حصلها زيي وتكون تخجل تروح للدكتورة ماتحوس بالمنتديات وتجرب اي شي



اتمنى من اللي يستفيدو من موضوعي يدعولي بالزوج الصالح

وكمان عندي سؤال

من وين اجيب الملابس الداخلية اقطن مية بالمية؟؟