اللي يغلون المطهر عالنار

يابنات احب انبهكم لشي،، كلنا عارفين البيوت وعمايل الطبخ فيها وروائح الطبخ اللي تنتشر في البيت وبعض الناس تعاني من عدم فعاليه الشموع والزيوت المعطره في القضاء على اي ريحه سيئه بالبيت،،
بعض الناس الله يهديهم من كثر مايحاولون يبتكرون طرق جديده للقضاء هالروائح قاعدين يضرون انفسهم واهل بيتهم باأفكارهم مثل الحركه الجديده اللي طايحين فيها انهم يغلون الديتول والسوائل المعقمه والمطهره واحيانا الصابون تايد واريال عالنار عشان تنتشر ريحته في البيت وتطلع حلوه !!!
والله يستر ومايغلون الكلوركس بعد جد الله يستر !!!!!!!
يابنات انتبهوا انتبهوا من جد ترا شي خطير استنشاق هالمواد عن طريق غليها ،،، ماتعرفون شي اسمه تفاعل مواد كيميائيه مع الحراره ،،،ماتخافون من خطوره هالشي عليكم ..

اذا الحين الشموع والزيوت ماثبت امانها تماما ،،كيف اجل هالمواد اللي مصنعه للتنظيف فقط مو للغلي والتبخيروالحرق ،،
كل شي له استخدامه ،،والانسان له عقل يفكر ويعرف الابتكارات النافعه والابتكارات الضاره ،،
مثلا ممكن واحنا قاعدين نطبخ الغدا نحط ملعقه بودره فانيلا على كاس مويه ونحطهم بالغلايه عالنار ونخليهم يغلون واحنا عندهم مانروح عشان نطفيها اذا بقى شوي مويه عشان ماتحترق الغلايه وتصير مصيبه ،،

الفانيلا ماده تستخدم في الاكل مع المويه والسوائل عالنار وريحتها تنتشر بالبيت اذا سوينا كيك مثلا فااعتقد انها ماتضر ان شاء الله،،
اما مطهرات وصوابين نطبخها عالنار فهذا شي مو منطقي ابدا ،،

غير كذا دايما اعرفوا ان فعاليه الشموع وزيوت الفواحات وحتى طريقه الفانيلا تعمل مفعول اكبر لما تتولع اثناء الطبخ وبعد الطبخ ،،مو اذا خلصنا طبخ واكلنا قمنا نولع الشمع ونقول ليه ماتروح ريحه الطبخ ،،لا ولعوا الشمع وانتو تطبخون ،،
يابنات انتبهوا ،،،خلو المطهرات والصابون لوظيفتهم الاساسيه لاتقعدون تتذاكون !!:42: