في بعض المستخدمين للماسنجر ما يدرون هالبلس ذا وش هو من لحية :09:
والا وش زوده عن الماسنجر العادي و وش المميزات اللي يعطيك اياها
والبعض منزلين البلس بس عشان التوبيكات الملونه وماتدري وش هو مفوته عليها
عشان كذا قلت يابنت دامك فاضيه خلي بنات حواء يشوفون هالبلس وش يفيدهم فيه و وش يقدر يسوي
البلس عبارة عن اداة اضافية للماسنجر تضيف له العديد من المميزات .
اهمها انه يعرض لك التوبيكات الملونه ويتيح لك تلوين توبيكك ..
راح استعرض لكم اهم المميزات اللي يعطيك اياها هالمملوح اللي اسمه " بلس "
أولاً /يتيح لك امكانية الدخول بأكثر من ماسنجر و بنفس الوقت
يعني الباتشات اللي كنا نستخدمها اول عشان ندخل بأكثر من ماسنجر انسوها
و طريقتها كالتالي :
*
*
بعد ما ثبتنا البلس و اشتغل الماسنجر راح نلقى بالشريط فوق ان البلس اضيف لها .. اضغط عليها
*
*
نختار منها اعدادات
*
*
و نضغط على " الماسنجر " و بعدين نحط صح على " السماح بالإتصال بأكثر من حساب في نفس الوقت "
*
*
وبعدين موافق .. و مبروك عليك الحين تقدر تدخل بأكثر من ماسنجر
ثانياً
تبغين تحطين لك اختصارات ؟
مليتي وانتي كل شوي تكتبين نفس الكلام ؟ :angry2:
البلس يوفر لك الراحه و الطمأنينه و الإستقرار
يعني مثلا تبغين لا كتبتي " س1 " تطلع " السلام عليكم و رحمة الله وبركاته "
وهكذا ...
هذي طريقتها كالتالي :
ندخل على اعدادات
بعدين نضغط على " المحادثات " نختار منها " النصوص السريعة "
وبعدين " تطبيق " ثمن " موافق "
ثالثاً :عندك وجده بالماسنجر تبغين تعرفين متى آخر مره شفتيها اون لاين ؟
تبين تعرفين متى آخر مره كلمتيها فيها ؟
هذي تنفع للي تبغى تحذف ناس عندهل بالماسنجر و تبي تشوف كم لها عنها
عشان كذا سموها " تنظيف جهات الإتصال "
طريقتها :
من قائمه بلس
نختار " تنظيف قائمه جهات الإتصال "
وبعدها تطلع لك البيانات
رابعاً :
رحتي عن الجهاز شوي و رجعتي و تبين تعرفين وش صار وانتي رايحه ؟
وش الأحداث اللي صارت ؟
من حط مشغول ؟ من طلع ؟ من جا ؟ من غير نكه ؟
طريقتها :
من قائمه بلس
نختار " إظهار عارض الأحداث "
و سمّي شوفي البلس وش يعرض لك
خامساً :
تبين تحفظين سواليفك اللي بالماسنجر ؟
عشان لا وحده قالت كلام و رجعت فيه
البلس يوفر لك هالشئ
طريقتها :
من قائمه بلس
ندخل على اعدادات
ونضغط على " محادثات " و نختار منها " تسجيل المحادثات "
اذا مابغيت البلس يحفظ المحادثات شل علامة الصح من " خزن محادثاتي في سجلات افتراضيا "
سادساً :تبين تقومين عن الجهاز و ما تبين احد يطل على ماسنجرك ؟
" قفل الماسنجر " يعطيك خاصية تقفل الماسنجر حتى بإختصار للكيبورد و بعد
يقدم لك خيار انك تحطين رقم سري لإستعادة الماسنجر " فتحه من جديد "
طريقتها :
من قائمه بلس
ندخل على اعدادات
نضغط على " الماسنجر " و نختار منها " قفل الماسنجر "
طبعا قفل الماسنجر ما يسوي تسجيل خروج لا .. بس اللهم كأنك ضاغطه على علامة الإكس اللي فوق
تقدرين تحطين لها اختصار بالكيبورد او انك تسويها بهالطريقة
من قائمه بلس
نضغط على " قفل الماسنجر "
طبعا اذا حطيتوا " رقم سري للإستعاده " اول ما تضغطون على ايقونة الماسنجر دبل كليك بالماوس راح يطلب الباسوورد
يعني ارتاحي لا رحتي عن الجهاز و استخدمتي قفل الماسنجر برقم سري .. مافيه ملقوف بيفتح ماسنجرك ويتفرج عليه :p
سابعاً
زهقتي من حركة بس " بالخارج "
تبين تحطين لك حالات مخصصه مثلا : " نايمه " .. " أصلي " ..
تقدرين تسوي لك اعدادات جاهزه و تستخدمها متى مابغيتي
طريقتها :
من قائمه بلس
ندخل على اعدادات
ونضغط على " تهيئه " و نختار منها " الحاله المخصصه "
عقب ما تسوين حالاتك المخصصه .. اضغطي تطبيق
وبتضاف للتوبيك حقك زي كذا
واذا تبين تضيفين حالة وانت طالعه .. يعني حاطه بالخارج بس تبين تكتبين وين رايحه مثلا
اذا ضغطتي على بالخارج
راح يفتح لك مربع ...
لك الخيار انك تكتب شئ او سكريه و راح تكون حالتك بالخارج
ثامناً
تبين تضيفين مقطع صوتي للماسنجر عشان ترسلينه لصديقاتك لاسولفتي معهم ؟
طريقتها :
لا فتحتي محادثه مع اي جهة اتصال .. اضغطي على رمز السماعه
بيفتح لك مستطيل فيه اصوات جاهزه تجي معه
اذا بغيتي تضيفين اصوات من عندك اضغطي على مكتبة الأصوات راح يطلع لك مستطيل
طبعا بالمستطيل الفاضي راح يحط لك الأصوات اللي انتي اضفتها
اذا بغيتي تضيفين من عندك اضغط على " صوت جديد " و تحددين من الخيارين
و بكذا عرضت لكم بعض مميزات و الإضافات اللي يضيفها البلس للماسنجر
طبعا هذي تعتبر اهمها و اكثرها استخداماً
اعذروني على الشرح المتواضع
و عارفه ان الغالبيه يعرفون البلس و يعرفون استخداماته .. و لكن هالموضوع حطيته للي مايعرفونه
ما ادري ان كان نزل قبل شرح له والا لا ..
بس شرحته بأسلوبي << والله من زين الأسلوب :09:
والســـلآآآآم ختــآآم ..
:(
*
*
:(
*
*
:(
*
*