الماضي بيدمرني والوسواس ذابحني وباقي شهر وروح لهلي

السلام عليكم

اه يابنات مدري من وين ابدا سالفتي احسها ملخبطه وافكاري مشتته وتجيني وساوس ماتفكني الا لما ابكي وابكي

انا وزوجي كان بينن مشاكل ربي عليم فيها والناس تدري بها
وفي رمضان الماضي صار بيني انا وزوجي مشكله وضربني ورحت لهلي وبعدين رضيت ورجعت لبيتي ‏
رجعت بدون اي رضوه ولا شي ‏
بس الشهاده لله ان زوجي بعد المشكله تغير شوي وصارت حياتنا احسن ماقول كامله لا فالحياه الزوجيه لاتخلوا من الكدر
الناس خلال مشكلتي تشمتوا فيني وطلعوا عني كلام اوجعني لليوم وانا اتذكره وابكيييييي
واهلي عاملوني اشد معامله ابوي كان يخاصم عيالي ويدعي عليهم معي اثنين الله يخليهم لي ولا يوليهم احد
وكنت انحبس في غرفتي ليين ينام لبوي وامي كانت تتكلم علي قدام اخواني وتعايرني بالفشل وزادوني وماصدقت ارجع بيتي
اهلي لليوم وهم خايفين تصير مشاكل بيننا اذا دقوا جوال ومارديت تبداء امي توسوس واذا كلمتني احس بصوتها السؤال اانا تعبت والله العظيم صرت موسوسه نفسي احس براحه استقرار ماني قادره
باقي شهر واروح لهلي عشان زواج اخوي وبجلس شهرين عندهم وارجع بيتي برضى زوجي عنده ترم صيفي ويقول اجلسي بسطي مع اهلك وقالي عوضي رمضان اللي راح وانبسطي مع اهلك ووحاولت اقنعه اني مابي بس خفت يقول ليه ماتبغين اهلك ويحس ان بيننا شي
لاتجي وحده وتقول مايصح تتركي زوجك شهرين خلاص هو حجزلي روحه وجيه طيران يعني الموضوع منتهي وهو اهله قريبين يعني مابيجلس وحده وبيذاكر وعنده شغل لليل لانه بشركه كررررف مايطلع الا المغرب ويداوم من الصبح يعني لو جلست او ماجلست ماهو بفاضي لي وودي يخلص الجامعه بمعدل حلو بعيج عن ازعاج عيالي لاننا بشقه صغيره ‏

اللي قالقني وموسوس فيني ‏
كيف اتخلص من اسئله اهلي
والاهم
كيف اشيل وساوس ان بتهاوش مع زوجي خلال فتره جلوسي عند اهلي لان هالموضوع مكدرني ‏
حتى زوجي مل من هالكلام يقولي لاتوسوين اللي صار انتهى ماراح يصير بيننا الا كل خير
ويزعل اذا قلت احس اننا بنتهاوش ويصير بيننا شي لان مره رحت لهلي ولاطولت وتهاوشنا انا وياه ووصلت لهلي بس بالتليفون تخيلوووا

اه الماضي بيدمرني خلاني انسانه موسوسه مكدره نكديه

يااخواتي ياليت تأخذوون بيدي وتساعدووني وتعطوني امل بالحياه لان ماعندي امل ‏

لامن ناحيه اهلي ولا زوجي

والله اتذكر كلام ابوي يقول لو زعلتي انسي عيالك وابكي وابكي

زوجي يحبني بس الماضي لاعب فيني

ماني قادره اقول خلاص اللي انتهى باح وروحي لهلك وانبسطي ‏

مع العلم ابوي يقولون تغير وركب تي في لعيالي ومستنانا مره

كيف اعيش مبسوطه

احس باقي شهر ماودي يمر بسرعه لين اعدل افكاري لاني لو رحت لهلي بهالشكل بيوسون معي وماني ناااقصه

اتمنى فهموتني ‏