المدينة ,مكة, أم جدة ساعدوني يا أخوات

عمرة مقبولة بإذن الله
وقبل الاسواق لازم تحرصي على اداء عمرتك بأكمل وجه لازم تبحثي عن المحضور والجائز بالعمرة من مواقع اهل السنة والجماعة

بالمدينة النبوية قدام الحرم الاسواق عندك سوق طيبة موجود بفندق طيبة وعندك الموفنبيك وعندك الاوبر وي

الارخص هو سوق طيبة

اذا تحبي تروحي بسيارة يعني تكسي اجرة روحي شارع قباء الطالع ونازل اي سواق تكسي راح يوديك وهدا ياستي شارع طويل وفيه كل المحلات ومحلات بيع الحجاب وأسعارة متوسطة ومقبولة

في مكة ماراح يناسبك ابراج البيت لو انت بتدوري عن ملابس محجبات
ممكن تروحي سوق العزيزية والسلام وسوق ذي المجاز في حي العزيزية وكلهم جنب بعض
في جدة جدة مول اكثره فساتين سهرة وافراح وروشان مول تافه مافيه ولا شي.. فيه مركز روشانا الدولي بس برضه مو هذاك الشي اللي يستاهل الروحة بما انك من برة
عندك في جدة احسن شي تروحي بما انك معتمرة وتفضلي شي سعره مناسب مجمع الشرق لو تدوري حجابات وجلابيات مليااااااااااان.. وعندك سوق النجار
لو تبغي شي للتمشية وتشتري ماركات.. فيه شارع التحلية بكبره كله.. عندك عزيز مول والعرب مول والاندلس مول

المدينه اسواقها الي قدامالحرم مره غاليه مو حلوه عشان ايجلرتهم غاليه

انصحك تروحي مجمع النور والراشد والعاليه اذا تبي ماركات
واذا تبي وسط فيه قباء ومجمع القمه قدام مسجد الجمعه والبدر والله يوفقك وتقبل الله

عندك في المدينة مركز طيبة التجاري أمام الحرم أسعارهم في متوسط وغالي ورخيص على حسب ما إنتي تحتاجي

والأوبروي أسعارهم طيبة

وفي نفس المباني إلي أمام الحرم كل مبنى فيه سوق بالداخل

وعندك سوق البدر إنتي بس قولي للسواق عنه وهو يوصلك له مرره مناسب

مو فاهمه قصدك ملابس محجبات عبايات يعني ؟؟