المزاجيه وتقلب النفسيه!!!!

السلام عليكم
بعض الناس تزعل منك بدون سبب
تتفاجئ انها زعلانه كذا من الله
الاحظ هذا الشي في اخت زوجي
اعطيكم مثال يعني تكون علاقتها بسلفتي تمام التمام
ومثلا سلفتي تصور سنابات مع اهلها طلعات استراحة او زواج خواتها او جمعتها مع جارتها او طالعه مطعم زي كذا يعني
الا وتجي اخت زوجي بالواتس عندي شفتي فلانة طالعه استغفر الله ماغير تصور تقل ماشافت خير انا ماحب اللي كذا
وتبدا تتكلم فيها وانا على طول اقول ماعليك منها بتصور وبتنبسط انتي اللي نقدين كثير ثم تسكت وتروح
استغرب انا يا اخواتي الحين هي تحش في سلفتي وقبل يومين متقهويه معها وتشوفينهن تقولين خوات
ومو بس كذا
مثال اخر
في زواج اخت سلفتي عزمتنا سلفتي الزواج اختها
وكانت اخت زوجي تقول ماراح نروح وش دخلنا فيهم
ويوم وزعو البطاقات تطنز في بطاقاتهم وتقول متكلفين في البطاقات تقل ماصدقو يزوجون بنتهم وفستان سلفتي ماخلت فيه شي ماسبته وتقول وع وذوق ميح
لاكنها متناقضه وبينت السلفتي انها تحبها وارسلت الاهل سلفتي ذهب وسلة حلاو هديه بمناسبة زواج بنتهم
وهي عندي ماغير تسب سلفتي استغرب اسلوبها
طبعا ماتركتها لها قلت لها وين اللي يقولون ماراح نحضر وماراح نجي هذاك حتى الهديه ماقصرتي فيها وتغير وجهها ومره جت تتشكى من سلفتي وقلت لها انا مالي دخل في احد عندك شي قوليه لها مباشره اذا شجاعه انا مالي خلق مشاكل ومن بعدها ماعاد جتني ولا ارسلت لي شي
انتم مستغربين المقدمه هذي
تجيكم السالفه
انا اختي انخطبت ومن عرفت اخت زوجي متغيره علي وفي الواتس ارسلها ماترد وتقراء وتطنش وتكتب في السناب في الستوري كلام انا المقصوده فيه طبعا انا مطنشتها وساحبه عليها
بس الى متى ذا الحركات عيب خلاص عمرها28 سنه مو بزر وش ذا التصررفات قدامنا بوجه ومن ورانا بوجه ويوم تطيح علينا وتسأل ويوم تسحب علينا وتزعل عجزنا نعرفلها دايم متقلبه ومزاجيه
والله حتى بالسناب صرت ماارسلها اخاف تجلس تحش فيني عند الخلق زي ماتسوي بسلفتي
اخواتي هذي الشخصيه كيف اتعامل معهااا كيف؟؟
الحين اختي بتتزوج انا وش دخلني تقلبين علي ؟!؟!
زعلانه لانه ماخبرتها انه اختي مخطوبه كيف اخبرها وهو ماحصل حاجه لا تحاليل ولا شوفه ولاشي بس كلام
وهي عرفت من زوجي خبرهم
كيف التصرف مع هذي النوعيه من الشخصيات ؟؟