http://forum.hawaaworld.com/showthread.php?t=1304742
السلام عليكم ورحمة الله وبركاته
واخيرا بعد جهد وبحث لقيت طريقة قرص عمر بطريقه سهله ولذيذه
والله تعبت وانا اجرب لين طحت على هالطريقه روووعه يجنن مع الشاي راح تستمتعون بطعمه
اول كنت اشتريه من الحريم بس قلت اعمله في البيت احسن وأنظف,,,
المقادير
3كاسات دقيق
فنجان شاهي زيت
علبة لبن الصغيره
2بيضه
3ملاعق جبن سائل
ملح
تعجن وتترك ترتاح قليلا ثم تكور وطبعا لاز نستخدم الة المطازيز
وهذا شكلها
ثم نرش بعضها بالسمسم وبعضها بالزعتر والفلفل الحار,,,,,واليكم الصور
شوفو شكلهم رووووعه ومع كاسة شاهي اروع
المشاركة الثانيه
مصابيــــــــــــــــــب
الطريقه
3كاس طحين اسمر
بيضه = 2ملعقه حليب بودره
ملح
2كاس ماء وممكن زياده
تخلط مع بعض بالمضرب اليدوي حتئ تصبح شبه سائله زي كذا
نتركها ترتاح نصف ساعه ثم ناخذ ملى المغرفه الصغيره ونعملها على الة المصابيب
وذا تحمرت نقلبها على الوجه الثاني ,,,,
بعد ما نخلص الكميه يدهنون بالسمن البلدي وتقدم مع العسل وشاي زنجبيل
وهي اكلة خاصة بافصل الشتاء بس الناس الى الان يسوونها حتى بالصيف
ان شاء الله تعجبكم وتجربونها اذا جاء الشتاءاا,,,,,,,,,,,!!
اتمني ان تحوز مشاركاتي على اعجابكم ,,,
ودمتم بخير,,,