المطلقين والمطلقات ونظرة الناس

السلام عليكم
عنجد عنجد شي يقهر
متى تتفتح عقول الناس
ليش كل مطلق او مطلقه يعتبرونه فاشل بحياته السابقه !!
الى متى هالنظره الغبيه ببعض البشر ....!
حنا عارفين وفاهمين ان لكل انسان عقليته وشخصيته
والارواح جنود مجنده
لكل شخص ناس يتوافقون معاه وشخص ينفرون منه بسبب الاختلافات بالفكر والطبع وووو
طبيعة البشر
ولكل شخص احباب واعداء ..
حتى الاخوان والخوات في البيت الغالب بالبيوت اعتقد لازم يجي اثنين متناقرين مختلفين ومتمشكلين سبحان الله من الله اختلافات ...
هي كذا الحياة الغالب انا اشوف ان الغالب في المطلقين اختلافات ومشاكل ومايفهمون بعض
ماتالفت ارواحهم من الله ..
ماوفقهم ربي مع بعض
مو لازم يكون الا عيب فيهم ..!!
يمكن هذا المطلق او المطلقه ماناسبه الشخص ذا وماتوفق معاه ولو تزوج مره ثانيه يتوفق ....
ارحموا هالفئه من كلامكم وتجريحاتكم
ياليت كل الناس يسمعوني ....
متى تتطور هالعقول متى !!
حتى لو تزوجت البنت مره مرتين ثلاث يمكن حظها كذا ..
قسم بالله اعرف مطلقات بجماعتنا تطلقوا مرتين وثلاث بسبب ان مافيه توافق فقط واختلافاتهم كثير
وتزوجوا مرات لين ربي سخرلهم وتوفقوا

فيه ناس فيهم عيوب صحيح لكن انا اشوف الغالب اسباب الطلاق بوقتنا ذا اختلافات
والا وش رايكم ..
الله يعوض كل اخت مطلقه بالزوج اللي يقدرها
وااصلا الحياة مو واقفه على الرجال حنا بزمن المفروض كلنا نعتمد ع الله ثم ع انفسنا متزوجه او مطلقه او غيرهم ..
كالعاده موضوع عفوي وبدون ترتيب 😁
بس اهم شي توصل الفكره 😁