المقلوبة على طريقتي
المقـــــــــــادير
1 كيلو باذنجان
نصف كيلو بندورة
قرنين فليفلة حلوة
عدد 2 كأس رز مصري قصير
لحمة هبرة ناعمة
لوز للتزيين
ملح و فلفل
طبعا سمن للطبخ وزيت لقلي الباذنجان
طريقة التحضير
اولاً : نقشر الباذنجان ونملحه ونقليه بالزيت
نخرط البندورة الى قطع متوسطة
والفليفلة الخضراء الى شرائح
نملأ طنجرة صغيرة بالماء والقليل من الملح ونسلق الباذنجان وقطع البندورة وشرائح الفليفلة تقريبا 10 دقائق
او غلوتين مو اكثر
بهالوقت منكون غسلنا الارز و نقعناه بالماء مدة نصف ساعة
نضع السمن بالطنجرة ومنقلي اللوز لحتى يصير لونه وردي
ولما بقيمه من السمن بيغمق لحاله من حماوة السمن عليه
( انا بجيب اللوز مسلوق ومفلوق وجاهز للقلي مباشرة)
بعدين بقلي اللحمة مع شوية ملح وفلفل
وبقيمها على جنب
وباخد من ماء سلق الباذنجان والخضار مايكفي لطبخ الرز (أخذت كاستين )
واضعهم فوق السمن بالطنجرة مع شوية ملح لحتى يغلي الماء بصفي الرز وبسقطه بالماء ولما بتنشف ميته شوي بهدي النار تحته مدة 10 دقائق وبغطيه
لحتى يستوي بطفي النار وبرفعه
عند التزيين
بحضر وعاء غميق بضع في اسفله اللحمة المقلية
وبرصها جيدا نسيت صورها اعذروني
أضع فوقها الباذنجان والخضرة المسلوقة
وفوقه الرز المطبوخ وبرصه جيداً
ثم اضع فوق هالوعاء وعاء اخر فتحتهم على بعض
لحتى اقلب عليه الأرز يلي صفيته مع اللحم والخضرة ولما بقلبه بزينه باللوز
وألف صحة وهنا
وهي صحني مع السلطة الخضرة
شكلها لذيذ مره تسلم يدينك ...