المواقف الي تزيد المحبه بين الاصدقاء

السلام عليكم

بنات ابغي كل وحده فيكم تذكرلي المواقف الحلوه و المشرفه الي وقفتها مع صديقتها وتحسين زاد حبها لك

اذكر من المواقف وحده من صحباتي وقفت مع صديقتها يوم زواجها ودتها جده تقضي لزواج دبش وفستان الزواج والين دحين تذكرها بالخير طيب يابنات الي ماعندها امكنيه توقف مع صحبتها زي كذا يعني احس كل الوقفات مع الصديقات يبغالها فلوس اقلكم ليه يعني مثلا صار عندها مناسبه اي مناسبه تخرج اي شي لو بدخل عليها الفرحه واكسب معزتها اجيبلها هديه والهديه يبغالها فلوس زي وحده من صحباتي كانت مره دبه ونحفت مره فرحت لها لان خصت نص وزنها كانت 100 وصارت في الخمسينات كان نفسي اجيبلها هديه ااالاجهاز حق الوسط واحسسها ان فرحانا لها بس علشان ماعندي فلوس ما جبتلها وكمان يوم اتوظفت كان نفسي افاجئها بهديه حلوه احس كل شي يبغاله فلوس صدقيني يوم تشاركين صحباتك افراحهم تزيد من المحبه والمعزه وما ينسون وقفاتك لكن الي ما عندها اش تسوي
والله اشوف صحباتي يحتفلون لصديقاتهم يوم تكون عندهم مناسبه ويعزونهم ولا ننكر مفعول الهديه الرسول عليه الصلاة والسلام قال فيما معناه تهادوا تحابوا :39:
يعني انا ما هدي الي في الاشياء الضروريه زي زواج او ولاده ام اشياء ثانيه لا
موضوعي مو بس هديه لالا انا ابغي مواقف سويتيها لصديقتك وزادة معزتها لك يعني انا والله ان اعز صديقاتي لكن ما اعرف كيف اوقف معاهم يعني بعض الناس تعرف تتصرف ذكيه مثلا انا يوم اكون في عزاء وحده من صديقاتي ما اعرف اش اقول او اسوي اجلس ساكته وابدي تعاطفي معها لكن ما اسوي شي
وكمان يوم اكون في زواج برضه ما اعرف كيف اوقف مع صحباتي يعني مثلا تكون في مشكله في الزفه او في الدقاقه ما اعرف اتصرف اصلا ما يخذون راي يعرفون ما عندي سالفه اشفهم يستشيرون صحباتي الثانيات ومره علقتهم حلوه بعض
طولت عليكم انتظر مواقفكم الحلوه والمشرفه مع صديقاتكم لنستفيد وكل وحده ما تعرف تتصرف زي او امكانياتها الماديه قليله وتبغي تفرح صديقتها