الموضوع له سنتين وماسكينه عليا😂رأيكم

السلام عليكم ورحمة الله مسائكم حلو زي هذي الأجواء الحلوة 😍سالفتي ياطويلات العمر لها سنتين لكن اللي حولي إلى اليوم ينتقدو والبعض منهم عجبتهم الحركة 😂😂بحاول أختصر لكم اللي صار ياعزيزاتي ولدي الكبير كان وقتها عمره ٤ سنوات ويزن علينا يبغا حفلة رتبت أموري وجهزت للحفلة المدعوين كانو أهل زوجي وأهلي وحريم أخواني وسلفتي وجارتي فقط محد غريب بلغتهم إني مسوية حفلة للأطفال (ركزو معايا للأطفال😂) غرفة جهزتها للأطفال وأكيد المجلس للحريم وقلت لهم (الحفلة تبدأ من ٥ العصر إلين ١٠) ماشاءالله ماقصرو جو في الوقت ماعدا امي وزوجة أبوياوحريم اخواني لأن اخويا اللي المفروض يجيبهم سحب عليهم ماجو اختي الكبيرة بس جت وانبسطنا يابنات الحمدلله وأكثر شي فرحني الأطفال كلهم فرحو وطول الوقت يتشكروني ياعمري عليهم❤️وراحو تقريبا ع الساعه ٩ وثاني يوم يتشكروني أهل زوجي يقولو رتبتي نوم عيالنا ورجعو مبسوطين كانت حفلة حلوة نجي لأهلي 😒امي و زوجة ابويا ماعجبهم الوقت يقولو ليه تحددي الوقت احنا اهلك المفروض ماتحددي نجي الوقت اللي نبغاه قلت لهم حفلة أطفال مو جلسة كبار والمشكلة كم مرة يجوني وعادي نسهر وننبسط ومسكوها عليا إلى اليوم انتو تنامي بدري مانجي عندك ماناخذ راحتنا بالجلسة وهو فعلا انا وزوجي ننام ١٠ زوجي يصحا الفجر يروح الدوام لكن في الويكند نسهر وحريم اخواني ماخلو كلمة مااتريقو وبعدها بكم شهر زوجة اخويا سوت نفس حركتي في اربعينية ولد اخوها قالت للناس تعالو من ٤ العصر لين ٩ لأن ابوها وأخوانها يجو من دوامهم ١٠ وفي ناس جوهم ع ١٢ الليل وعصبت هيا وأخواتها وتذمرو وقلت لها ليش مارضيتي ع نفسكم وتكلمتي عليا انا وحريم اخواني مانستحي من بعض اللي تشوف شي ع الثانية تقول مانخلي في قلبنا 😂اللي خلاني اكتب الموضوع اليوم أن كنت ابغا اعزم أهل خطيبة اخويا الكبير في بيتي امي رفضت قالت انتي تطردينا وتنامي بدري وخلتها في بيت اختي الكبيرة الكل حاليا ينتقدوني وكمان لاني لما اروح زيارات لأحد مااطول اجلس بالكثير ساعة ونص ساعتين وامشي واجي مثلا من المغرب يقولولي الناس صارت تطلع من بعد١٠ تسير انتي عجوزة تجين المغرب ويقولو زوجي متحكم فيا 😂ويألفو على كيفهم والله يابنات ماعليا في الناس لكن المشكلة انهم اهلي ارد عليهم اشرح لهم مافي فايدة مدري مين الصح ومين الغلط؟؟ رأيكم