الناس اجناس

بسم الله الرحمن الرحيم

الجديه بكل شئ تخلي الحياة صعبه والناس اللي حولك تنفر منك او ماتتقبلك
عندي صديقه جددديييه بالمره ومسكينه كل شي كبير في حياتها وتشيل هم لاتفه الاشياء عاد الاشياء المهمه حدث ولا حرج بالنسبه لها قضايا تحتاج بحوث وحلول

صديقتي هذي احبها واقدرها ونادرا ماتغلط على احد تحسب للكلمه الف حساب قبل لا تطلعها ( ماشاء الله عليها )
تربيتها لعيالها صح العيال ( لااله الا الله ) ادب ودين لكن شوية هدوء زياده

لكنها صعبه وصعب التعامل معاها طووول الوقت احيانا ارحم زوجها وعيالها على كثر الايجابيات في حياتهم الا انها مممللله :09:

لو سمعت ولدها يقول لاخته يا كلبه صارت قضية تربيه صحيح الالفاظ البذيئه لازم ننصح الطفل ونوجهه بالبعد عنها لكن مانكبر الموضوع ونخليه قضيه صح والا انا غلطانه ؟

وبالمقابل فيه نااس عايشين الحياة سسسهاااله وكلش ماخذينه بسهوله ولا مبالاة لو هي اكبر المشاكل او القضايا خلوها ولا شي
وعندي صديقه من هالنوع لا اله الا الله لوهي قضية الشرق الاوسط خلتها موب قضيه وهونتها مع انها ماتعطي حل ابد بس تهون الشي وتخليه مايسوى لو هو امر مصيري
بالنسبه لي انا متمسكه فيها بقوه مع انها ماقد عطتني حل لكن تعطيني جرعه للتطنيش وتهميش بعض المشاكل
لكن اللا مبالاة احيانا تقرف وتحسين صاحبها يحتاج توجيه ليكون شي مهم في حياته او ليحافظ نوعا ما على شعور الاخرين

صديقتي هذي عندها بنت عمرها 5 سنين تفصخ ملابسها الداخليه كلها قدام الناس وبالشارع وصديقتي سبحان الله تضضضحك وميته ضحك وانا :angry2:
وتمادت الطفله وصارت تقول للناس شوفو (عيبي ) بس بالاسم تنطقه والام كككككككككككككك

ولا قلت لها عيييب ادبي البنت قالت ياشييخه تكبر وتتعلم طيب كيف تتعلم وتتادب وانتي لا علمتيها الادب ولا اصوله؟

وتجي تقول لاتكبرين المساله اعدتك فلانه على صديقتي الجديه ترى البنت صغيره تكبر وتتعلم

طييب سؤال مين بيعلمها؟
صديقاتي الثنتين ما يقبلون بعض اببد
ولكل اسلوب حسناته وسيئاته والوسط حلو لكن وينه ؟ كل وحده تقرا الموضوع تقول لنا اي اسلوب تفضل وانواع الناس اللي تقابلهم وانواع اساليبهم