النفس الحلوه والبساطه ....

.
صباح الخير
اخباركم ياحوائيات
بس حبيت اتكلم عن الاولين وحياة اللي سبقونا صح انهم اغلبهم عيشتهم صعبه بس كانو بسطاء ونفسهم حلوه وجلستهم تشرح الصدر
والواقع يصدم الان تلقى الصغير مايحترم الكبير والناس صارت ماتخاف الله والجلسات اغلبها مدح وهياط وتصوير بالسناب وفشخره
والله يمكن تضحكون اكثر شي كان يبسطني ويسعدني واصبحت ذكريات جميله
ذكرياتي مع امي الله يرحمها وكنت ذاك الوقت بالمتوسط والثانوي كانت تطلب مني كل مغرب اعمل لها الشاهي واجيب دفتر وقلم واكتب وش تقول من قصايد ههه
وامدحها وتنبسط واحيانا اقرا عليها حديث او هي تسولف لي اي شي ويكفي عبارات الشكر والثناء منها
شاهي بس وكوب وصحن او بياله لكن المعنى غير والشعور غير لانه النفس حلوه والبساطه تشعرك بالسعاده حتى الطفوله كانو الجيران نفس طبع امي
اما الان صار التصوير والسناب والجلسات العائليه صارت الاخت الكبرى تعامل كاالاضحوكه اما العوبه والاخت الصغري اللي يقالها من بنات الجيل ذا بنات السناب او بنات تشجيع الانديه نسال الله لهم الهدايه
هي صاحبة الحديث بالمجلس وحتى تبي تاخذ كل الجلسه لها وتهايط وتنتهي غالبا بشجار بين الخوات والاضعف بينهم ومالها سند هي تاكل النصيب الاكبر من التوبيخ والاهانه
اعجبني عباره قالها وولدي لي قال ياماما لاتشرهين على احد حنا زمن التفاهاااات عاد ماادري من اللي قاله العباره ذي بس لله دره فعلا للاسف
القلوب قست والناس تمشي ورى مصلحتها واللي معه فلوس وبس يشيلونه بعيونهم لمصالحهم
ياليت زمن البساطه ونقاء النفوس والنفس الحلوه ترجع والناس ترحم بعضها الانانيه والحسد يروح والخوات يصيرون فعلا خوات
لكن للاسف صار زمن التفاهات
والجمال السنابي
مو الجمال الاخلاقي
والعطف المادي
مو العطف الانساني
والاخوه المزيفه مو الاخوه الصادقه
وسلامتكن