الهايبوكسي بمركز المشفى الطبي في احد جربه او سمع فيه

معقوله مافي احد سمع فيه

فوووووووووووووق

"سبحان الله وبحمده، عدد خلقه ورضا نفسه وزنة عرشه ومداد كلماته".

لقيت معلومات عنه

بالنسبه للي سألوا عن الهيبوكسي في دلة بقولكم عنه بالتفصيل .

تدقين عليهم ،
تاخذين موعد ،
تدخلين و يفتحون لك فيديو تعريفي عن الاجهزة المستخدمه ،
بعدين يقابل دكتور العلاج الطبيعي ، و يحكيلك عن الجهاز و يرد علة اي استفسار ،
بعدين يسألك أسئلة مثل نظام يومك و حركتك و الامراض اذا فيك و من هالاشياء ، وياخذون قياس ضغطك ومن هالامور ،
اذا عجبك الوضع يقولك خلاص خلي النيرس تاخذ قياسات جسمك و وزنك،
اذا شاف قياسات جسمك يحدد لك كم جلسه تحتاجين و ايش وزنك المثالي ،

كذا خلصنا المرحله الاولى

بعد مايحدد الجلسات تدفعين السعر ، و الي هو عن كل اسبوع 1000 ريال ، طبعا ماتدفعين 1000 بس ، لازم تدفعين البرنامج كامل ، يعني يحدد لك 24 جلسه ، يعني 6 اسابيع فتدفعين 6000 مره وحده ،
أنا دفعت اول مره 6000 بعدين طلبت جلسات زياده فدفعت 8000 يعني المجموع بالشهور = 3 شهور و نص = 56 جلسه مع مدري كم جلسه مجانا يعني وصلت 60 وزياده

خلصنا من السعر و عدد الجلسات

نجي للمكان و للأجهزة

المكان مررررررره خاص ، و مايدخله الا ممرضات القسم و المسئولة و أخصائية التغذيه ، و يدخلونه ببطاقات ماينفتح الباب الا فيها ( مثل المغناطيس ) ، و كل جهاز في غرفه ، يعني ما يكون معك احد ابد ابد ، و مره يحافظون على الخصوصه ، و يدلعونك مرررررررره ، و في كل غرفه تلفزيون ، و اذا تبين ميوزك يشغلون لك ، و اذا تبين مجلات يجيبون لك ، و مويه و كل شي

1/ فاكومساج = تجينهم طبعا و انتي لابسه بنطلون و تي شيرت ،يلبسونك فوق لبسك لبس مثل حق الفضاء، كبير مره ، و يدخلونه من رجولك الى رقبتك و يدينك ، يعني كل جسمك الا وجهك و كفوفك ، و تنسدحين على سرير ، و يركبون عليك مثل الانابيب تنفخ هوا داخل اللبس ، فيسير ضيق عليك و ماسك على جسمك ، و داخل هذا اللبس فيه اشياء تضغط على جسمك و تسويلك مساج يجنننننننننننننننننننننننننننننننننن ، احيانا انام و انا منسدحه و اقولهم يطفون اللمبات ، هذا الجهاز تقعدين عليه 20 دقيقه ، و طبعا فايدته انه يحرك الدهون و يخليها بسرعه تنزل .

2/ الهايبوكسي = طبعا تبقين بنفس لبسك ، بس يلبسونك شي دائري غريب مثل التنوره ، و تنسدحين على سرير فيه مثل الكبسول ، طبعا تتسكر على نص جسمك الي تحت ، و بهذا الشي الدائري يقفلون الفتحه ، و داخل الكبسول فيه سيكل بس و انتي منسدحه ، يعني تحركين رجولك و انتي منسدحه ، مرررررررررررررره يتعب ، بس اذا تعودتي عليه بيمر الوقت و انتي ماحسيتي ، مدته 30 دقيقه ، و هذا ينحت الجسم نحت مو طبيعييييييييي ، كل وحده حامل و ولدت انصحها تروح له ، انا متأكده بتدعيلي ، بس لازم تتحمل تعب الهيبوكسي .

الجهازين هاذولي يكونون فنفس اليوم ، أول شي فاكومساج بعدين الهيبوكسي .

3/ فاكونت = هذا جهاز سير عادي ، بس ماتلبسين ملابسك ، يعطونك لبس مثل المايو الى الركبه و كمه تي شيرت ، بعدين يلبسونك فوقه شي مثل الي لبستيه فالفاكومساج ، بس مو رجولك ، يعني يوصل الى نص ساقك ، بس ثقيل شوي ، عليه انابيب تنفخ هوا و تسويلك مساج و انتي تمشين ، هذا مررررررررره يخليك تعرقين ، مو متعب ، بس اللبس ثقيل ، و العرق يضايق عشان كذا ماحبيته ، فلو برجع بقولهم ابي الجهازين 1+2 بس ، مدته 40 دقيقه ، و يكون فيوم لحاله .

و طبعا مع هالبرنامج أخصائية تغذية تتابعك اسبوعيا ، و قياسات جسمك ياخذونها كل 6 جلسات ، و عدد الجلسات فالاسبوع 4 جلسات

خلصنا الأجهزة

نجي للمدة و النتائج

طبعا مثل ما قلت أنا اخذت اول مره 6 اسابيع كانت كلها الجهاز 1+2 ، و 8 اسابيع كل الاجهزة الثلاثة

رحت لهم و وزني 79 ، و قالي الدكتور بنحاول توصلين لـ 62 << وزني المثالي ، بس وصلت لـ 68 يعني 11 كيلو في 3 شهور و نص ، صح انها مو كثير ، بس والله العظيم يابنات اني سرت البس ضيق ، و جسمي متناسق ، و مشدود ، و كل من شافني يقولي خلاص خلصتي وقفي رجيم ، مع ان وزني 68 ، بس مثل ماقلت ينحت نحت خصوصا الفخوذ و البطن و الارداف ،

من امنيات حياتي اني ارجع لهم ، بس اذا وصلت 65 ان شالله بكافئ نفسي


احس اني ماوفيت الكلام عنه ، لان من شد شهادتي فيه مجروحه بقوووووووووه ،

و يمكن في اشياء ناقصه ، بس اذا قابلتوا الدكتور راح يبين لكم كل شي بالتفصيب الممل ، و اتوقع أخذ الموعد و التعرف على البرنامج و الاجهزة مجانا .

و نسيت اقولكم ، ترى الدكتور مايشرف عليك اشراف مباشر ، بس هو أخصائي العلاج الطبيعي ، بس يطلع على قياسات جسمك و يقولك ايش تحتاجين و يتابع تغير الجسم ، ومو شرط تقابلينه اذا ماتبين ، يعني هالشي راجع لك .

هذا والله أعلم

يالنسبة للهايبوكسي هو موجود في مستشفى دلة وجربته وحده من البنات ودفعت حول 6000 ريال ومااستفادت ولا شي وهو مجرد دعاية زيه زي الزيرونا