الوحيدة

أنا وحيدة أمي دايم مشغولة و أختي ما أتأقلم معها صح ما راح ألقى أحد يحبني كثرها من البنات بس هي أكبر مني و نادرا ما تعطيني وجة و حتى لو عطتني وجه أحسها تعتبرني بزر رغم إني كبيرة فوق ال 25 و أنا تخرجت وبنفس الوقت أنتقلت لمنطقة ثانية بسبب ظروف أهلي و كل صاحباتي بالمنطقة الثانية لو أنا بنفس المنطقة كان عادي أزورهم و يزوروني ألحين ما حولنا أحد نتعرف عليه كل جارة صاكة بابها عليها >شفتوا إني وحيدة :icon20: و عايشة وحدة فضيعة
مادري وش أسوي؟؟؟؟؟؟؟؟ وش تنصحوني فيه من الوحدة صارت نفسي براس خشمي و منفسة :11retcher
أبي أصير نافعة بالحياة أحس إني عالة على أهلي و بس أكل و مرعى و قلة صنعة و ماحب شغل البيت
يعني عايشة وحدة و فراغ قبل قاعدة أنتظر فارس أحلامي يجيني على حصانه الأبيض و ينتشلني من همومي ;)
بس أخيرا أقتنعت إن الإنسان يسعد نفسه بنفسه و دام بعتمد على أحد يسعدني ماراح أكون سعيدة طول عمري حتى لو تزوجت و صار زوجي أحسن زوج

أنا أبي شخصيتي تكون معطائة :icon20: أبي أسعد كل إلي حولي بس مو عارفة كيف إلي أعرفه إني عصبية و دايم أتهاوش مع أخواني و دايم نفسي براس خشمي من يوم تخرجت
أبي أطبق أي شي ينفعني بالدنيا و الآخرة ماني عارفة من وين أبدى و وش أسوي حاسة إني ضايعة
أكثر ناس أشوفهم هم بنات منتدى حواء الله يوفقهم و إن شاء الله تنصحوني بشي يفيدني سواء دنيوي أو أخروي
و إلي تكتب لي طريقة تمشي عليها جزاها الله خير
ماعليش كلامي مخربط بس ساعدوني
ملاحظة: بنات كل وحدة تقول لنا هوايتها أو موهبتها ممكن نكون غافلين عن شي مفيد يشغل وقت فراغنا نبي نستفيد منكم و مشكورين مقدما