الوظيفه ولا اهلي ؟

قبل ابدا كلامي يابنات بفهمكم شي
انا عمري ٣٠
ساكنين بمحافظه شبه قريه
كل اللي فيها مول عباره عن دور واحد ونص الاسواق
تسكرت فيه بسبب ماعليه ناس
وموجود عندنا مستشفى عام واحد حكومي
واثنين اهلي فقط
وسوق شعبي يعني محلات الشارع
وبنده ويمكن٨ بقالات فقططططططط
اللي بوصله لكم
عمري صك٣٠
بدون مبالغه كل اللي بعمري اللي راحت تكمل ماجستير
بالرياض واللي راحت تدرس طب واللي توظفت بالرياض
من اقاربي وصديقاتي
اخواني تعدو الثلاثين وحنا ندور وظايف
بنفس المكان المحافظه وعند اهلنا وقرايبنا ماااااافي
وانا دايم اقول لاهلي شي طبيعي
مافي وظايف حنا بشبه قريه!!
اقرب شي لنا الرياض بيننا وبين الرياض٤ساعات
عندي اثنين اخوان كانو شبه رافضين يقدمون بعيد
بحجة نترك اهلنا لكن رضخو وواحد توظف بالرياض
والثاني توه يقدم بالرياض
انا اهلي ابوي وامي قايلين لي
روحي اشتغلي
دوري وظيفه بالرياض واسكني مع اخوك
يعني اهلي راضين
طيب وين المشكله بالبدايه كنت غاثتهم
واننا بمحافظه وراحت دراستي وتعبي وكبرت
وانا بدون وظيفه وبدون شي
لما رضو كنت ميته ميته ابي اتوظف
بالرياض وكانت كثير تجيني فرص
بس قبل كان صعب ماعندي اخوي ولا احد بالرياض
فكان صعب على اهلي يخلوني لحالي
بعد ماشتغل اخوي جتني وظيفه بعياده واهلي شجعوني
روحي ورحت وانا مبسوطه
وسويت المقابله والحمدلله شبه شبه انقبلت
لان قالو لي الاسبوع الجاي تدربين معنا اسبوع
وبعدها نتفق عن الراتب و و لكن
الصدمه وين قالو لي مالك الا يوم اجازه الجمعه!!!!!
انا هنا احس بديت استوعب
الصدمه
يعني مافي امل اشوف اهلي
اذا ماعندي اجازه الا يوم واحد
متى اروح متى ارجع انا وحده شبه متعلقه ومستعده
اعطي من قلبي لاخواتي وامي وهم نفس الشي
يعني لما اطول وانا نايمه امي تفقدني
وتقول لخواتي صحوها تتقهوى معي
لما انزل توي صاحيه امي تفرح فيني
كان لها سنه عني بنات انا اذا رحت يومين الرياض
احس ان لي سنه عن امي وودي ارجع بسرعه واشوفها
واجلس معها
خواتي نفس الشي مستحيل يمر يوم مانجلس
نتقهوى نسولف يعني خواتي بالكليه ومره متعلقين
فيني خاصه الصغيره اللي توها داخله جامعه
حتى النوم تنام معي😭
صديقاتي لما قلت لهم كلهم انصدمو انه كيف بتروحين
تتركينا متى نشوفك اذا ع كلامك يوم
وانا ماهمني لاصديقات ولا اقارب انا كل همي اهلي
بالذات امييييييي يابنات هي اللي جد جد
بفقدها خواتي نفس الشي بشتاق لهم
والله لما فكرت بالموضوع بشكل جدي
اميييييي يابنات احس ماقدر اتخيل 😭
اني ماشوفها اسابيع وممكن شهور دام ماعندي
اجازه😭😭
والله بكيت لما تخيلت هالشي
واستغفر الله ماسكني وسواس
ان لو يجي امي شي وانا بعيده بندم ترا
لو تموت وانا بعيده بندم اني تركتها هالفتره
وسواس يابنات براسي اكلني اكل
المصيبه لو توظف اخوي يصير مافي احد
بالبيت الا ابوي وامي واختين صغار لي
حاولت فيهم ننقل نستقر بالرياض امي ودددددها
لكن ابوي رافض رفض قاطع بحجه
ماراح اترك ديرتي واخواني واهلي ومدري ايش
ابوي للاسف شبه اناني ماهمه الا اهله واخوانه
يعني اخواني صكو الثلاثين بدون وظايف ولا بقى
مكان مادورو فيه وهو مو طاق لهم خبر
وانا نفس الشي يقولي كان لما اتشكى
ان ماكان فيه وظايف
كان يقولي
خلاص اجلسي كذا لين تتزوجين وشوله تتوظفين!!
للاسف اعمامي كل عيالهم موظفين وبواسطات
عشان كذا مو فارقه معهم جلسو نقلو كل عيالهم متسنعين
لكن ابوي للاسف رابط نفسه ب اخوانه وجماعته!!
كل ماقالو له اخواني ننقل نستقر بالرياض
جلس يهاوش ويحلف وينذر انه مايترك جماعته
سوالي لو بمكاني الوظيفه ولا تتنازلين عن كل شي
وتجلسين كذا بس اهم شي مع اهلك؟
والله بيني ولبينكم يابنات انا محتاجه الوظيفه
نفسيا اكثر من ماديا تعبت نفسيتي من الجلسه
مقابله جدران ولا فيه اي شي اسويه من لما تخرجت