الى العضوه أم يوسف والى كل من تعاني من وسواس الموت

السلام عليكم ورحمه الله وبركاته
قراءت موضوع الأخت أم يوسف وحسيت أني لازم اكتب هذا الموضوع وأتمنى انه يفيدكم
عزيزتي أنا مريت بنفس التجربة وتعبت حيل من وسواس الموت لدرجه حسّيت ان حياتي وقفت
ولما تعبت بحث عن حلول في المنتديات والنت الى ان وجدت الحل الذي كان بعد رحمت الله سبحانه وتعالى
ساهم في شفائي ثمنين بالمئه
اول شي حافظي على الصلوات والسنن وأذكار الصباح والمساء وصلاه الضحى واهم شي قيام الليل والدعاء ان
الله يشفيك من هذا الوسواس
ثاني شي وهو انك تواجهين الخوف وتنفذين عكس اللي يقولك مثال اذا قال لاتطلعين المكان الفلاني لأنك بتموتين
عانديه واطلعي وإذا قالك روحي شوفي ابنك ميت بفراشه مو نايم لاتروحي اجلسي بمكانك
وثالث شي وهو الأهم اذا قالك بتموتين ارفعي صوتك وكلميه وقولي لا ماراح اموت أنا بعيش غصب عنك
لاتضحكين من كلامي جد كانت هذي الحركه مثل السحر
أنا كان يقولي لاتسافرين لأهلك بيصير عليك حادث وتموتين وكنت اتعب حيل ولا اسافر لاهلي أبدا من الخوف والرعب
لكن بعد مانفذت هذي الطريق ارتحت كثير كنت أواجهه وأقول بصوت عالي بسافر وراح ارجع لبيتي وانا حيه مامت
وراح تشوف كنت أتكلم معه بسخرية وكأنه إنسان قدامي
السفره الاولى تعبت والثانيه نفس الشي وشوي شوي لين ارتحت وصرت اسافر لاهلي عادي
الحين عندي وسواس الموت على عيالي هذا أنا أحربه بنفس ألطريقه اللي حاربت فيها وسواس الموت بالسفر
وان شاء الله راح انتصر عليه
كتبت لكم الموضوع بأختصار وأتمنى تكونو فهمتو علي
وأن شاء الله راح يفيدكمواعذروني على كلامي ملخبط شوي اول مره اكتب موضوع ☺️☺️
اسأل الله الشفاء لي ولَكم ولجميع مرضى المسلمين