الى كل الخريجات ارجو الدخول

مساء الخير
اولا اسفه على التاخير والف شكر لكل وحده سالت عني
بس عارفين ماشاء الله النت عندنا يجنن مايحتاج
ثانيا وانا اقراء المواضيع لقيت فيه بنات كاتبين انه راح يكون فيه تجمع ووووووووووووووو
المهم ان من بين احدى الاخوات وهيه تعلق ايش قالت علقت بكلام من جد والله حطمني وماتوقعت انه راح يكون فيه وحده متعلمه وفاهمه راح تكتب هذا الكلام نهائيا قالت ان كل وحده من الي في التجمع ترفع برقيه باسمها هيه ومالنا دخل بالباقي الي تبي تروح تروح هيه وبلاش نوم
من جد انقهرت من كلامها ليه هيه مو عارفه ان كل الخريجات مو بالرياض فيه خريجات بالشمال والجنوب والشرق والغرب وفيه الي بالقرى وفيه الي ماتقدر انها تروح الى الرياض
شوفوا الكليه المتوسطه عيني عليهم بارده ماشاء الله تبارك الله فيه المتحدثه باسمهم الاخت بدريه الله يعطيها العافيه في اي لقاء لها ماتقول انا خريجه وانا وانا اول ماتبدي بكلامها تقول انا اتحدث باسم الخريجات وراحت الين جده وعند باب الملك من الصباح الين الساعه 9 مساء وقالت لان فيه بنات بالقصيم وبتهامات وبمناطق اخرى مايقدروا انهم يوصلون
انا كان بامكاني اني اكون انانيه زي الي كتبت التعليق وكان بامكاني اكون مع البنات الي بتوتير وخلاص ماعليه من احد بس حنا اخوات وعيب هالكلام انه ينقال والله ان فيه وحده قالت انه في احد التجمعات كل وحده حاطه معروضها باسمها وان البنت هذي كاتبه المعروض باسم الخريجات ككل ليه مانكون كلنا قلب واحد ويد وحده اذا الله منعم عليك انك راح تقدري تروحي وانتي بالرياض ليه ما تكتبي لمعروض باسمك وباسم كل الخريجات يعني بالله راح ينقص منك شي او ان الحبر راح يجف اذا كتبتي كل الخريجات او الورق راح ينتهي
بنات المشكله مشكله الجميع مو مشكله وحده خلونا يد وحده عشان الكل ياخذ حقه
ولاوحده تعلق وتقول انا اتعب الكل تعب والكل يبي يروح بس انت كان حظك احسن من غيرك انك بالمنطقه ولاتقولي انه راح اتعرض لمدري ايش لانه الكثير راح ماجاهم شي ولكي دعوه من كل خريجه وتخيلي كم دعوه راح تلاقينها والي راح تكون حقوده لاتكتب حقدها بالمنتدى تخليه بقلبها كفايه قهر كمان تبون تزيدونا قهر