ذكرى الاطلال @thkr_alatlal
محررة فضية
الى كل زوجه تعاني خيانة زوجها
السلام عليكم ولرحمة الله وبركاته ..حبيباتي الزوجات اللي شربوا من نفس الكأس اللي شربت منه وتجرعوا مرارة الالم والقهر ونزلت دموعهن ليالي من حرارة الموقف عندما اكتشفت خيانته ..لاتبكين علشانه ولا تشكين في نفسك انك انتي السبب وراء خيانته جراء تقصير منك او لامبالاه صدقوني يابنات ان كل وحدة اعرفها زوجها يخونها من خواتي وصديقاتي ومعارفي حتى اغلب البنات اللي في منتدانا الغالي يشكون من الخيانات ..اكتشفت ان النقص مهوب فينا النقص فيهم هم ازواجنا ولا اكيد مهوب احنا اللي مقصرات معهم الوحدة فينا تسوي المستحيل علشان ترضيه من حركات ولبس ودلع وليالي رومانسيه حتى الخياطه التجميليه سويناها علشان نرضيهم بس مافيه فايده النقص فيهم هم وقلة الوازع الديني والبعد عن الله والفتن وكثرة مشاهدة الساقطات في المقاطع والصور .. حبيباتي لاتحزنين ولا تذبحن انفسكن علشانهم دام انكم متأكدات انكم ماقصرتن في حقوقهم ..انا قد كتبت موضوع عنوانه( ضايقه فيني الدنيا وابي مساعدتكم)اشكي فيه من خيانة زوجي لي وردود الاخوات جزاهن الله خير ساعدتني كثير وخففت عني الشئ الكثير وكثرت من الاستغفار وقررت اني ماعاد اسئله عن شي اكتشفه عن خيانته ..اخذت بنصيحة الاخوات وطنشته خليه يسرح ويمرح على كيفه جيته بكل الوسائل ولانفع فيه اخيرآ قلت هو اللي بيدخل القبر لحاله اللي علي سويته من جهة الله وهو اذا ماغيرة رب العباد مااقدر اغيرة ..بس لاحظت تغيير بسيط في علا قته معي بعد الاستغفار صار يتواجد في البيت اكثر من قبل وصار يتكلم معي وقبل كان يتكلم بالقطارة .. اللي بغيت اوصله لكم يابنات طنشوا حتى تعيشوا واولا واخيرآ كثرن من الاستغفار ولا عاد توجعون روسكن فيهم بلا ماتمرضون علشانهم شوفوا وش صارلي منه فبل كان عندي هبوط في الضغط والحين صار ضغطي غير مستقر مرة هابط ومرة مرتفع بيفجر راسي وكله بسبب التفكير فيه هذ وانا لسه عممري 26 اجل لو يصير عمري 50 وش بيصيني.. واخيرآ اقولكم (النقص فيهم هم) ..يارب ثبت زوجي على دينك وابعد عنه بنات الحرام مخربات البيوت .
14
1K
يلزم عليك تسجيل الدخول أولًا لكتابة تعليق.
ناعمه الشمرى
•
والله انك كفيتى وفيتى صراحه كل وحده تشكى من خيانه زوجها اقولها نفس كلامك بالضبط وفيهن الى تقتنع وفيهن الى لا
والله انك كفيتى وفيتى صراحه كل وحده تشكى من خيانه زوجها اقولها نفس كلامك بالضبط وفيهن الى تقتنع وفيهن الى لاوالله انك كفيتى وفيتى صراحه كل وحده تشكى من خيانه زوجها اقولها نفس كلامك بالضبط وفيهن الى تقتنع...
اللي عندها عيال لازم تقتنع اجل نترك عيالنا لزوجات اب يعذبونهم احنا اذا بنستمر في حياتنا معهم علشان عيالنا مو علشانهم .. شكرآ حبيبتي على مرورك ومشاركتك في موضوعي.
أســرآر :
الله يجزاك خير والله يهدي ازواجنا ياربالله يجزاك خير والله يهدي ازواجنا يارب
آمييييييييين
وش فيكم يابنات توقعت تفاعل في موضوعي اكثر من كذا 17مشاهدة وبس اللي شاركو2 لايكون موضوعي سخيف ومو مهم ترا عادي اتقبل صراحتكم
الصفحة الأخيرة