الى متى؟ 😢

السلام عليكم بخبركم في موضوعي

انا زوجي راعي بنات بمعنى الكلمه اول ماتزوجت اشوف بنات عنده بكل مكان سناب تويتر و انستقرام قلت بعدين يتأدب وببدايه زواجنا صعبه اسوي مشاكل مرت الايام وشفته يكلم بنت تويتر ونكر طبعا ولا رضى انه يعترف قلت اجل سناب بعد تنكر قال ايه وخاف مره لما واجهته وهو خواف مره من بكره حذف كل البنات بسناب و تويتر شال خاصيه الرسايل مر اسبوع الرجال تمام بعد اسبوع قلت بدخل سنابه وانا عارفه مافيه شيء حصلت ضايف 2 ويوم حس اني عرفت غير اسمائهم على انهم عيال وناقشته وقال ماتوثقين فيني قلت مافيه شيء يخليني اثق خلهم يصورون لك او اي شيء يثبت انهم عيال رفض وانا متأكده زي اسمي انهم بنات و قلب السالفه علي و راضيته و اضحك واسولف معه بشوف الين وين يبي يوصل طبعا بعدها بثلاث ايام دخلت سنابه وانا عند اهلي و اشوف البنات مصورين له وانهبل ودق يسولف مالك حس اليوم وقمت اخذ واعطي معه وماتحملت بالليل دقيت قلتله كذاب وانو انت مستغفلني و كنت انتظرك تحفظ كرامتك قبل ما اواجهك بس للاسف ماخذه شايب بعقل مراهق وكلام كثييير يجرح و قوي عليه وكان كل الوقت ساكت قلت يلا ابي تبرير قال ماعندي شيء اقوله طبعا ما ينلام بعدين جلس يعتذذر و يحلف انو معد يعيدها وانو خلاص ووعدني وانا ما صدقته وصرت اطنش واكلمه برسميه هو انجلط طبعا مع الايام رضيت بس اشك ولا اوثق فيه بعدها بشهور شفته داخل محادثه خاص تويتر لما قربت قفل جواله قلت ورني ورني مو راضي لما قمت حذف المحادثه وقام يوريني وزعلت قال انتي حطيتي الشك براسك خلاص ماراح يطلع قلت اكيد مدامك انت كذا ومن بعدها ماشفت عليه شيء ابدد وكان يوريني صوره بجواله وخذت جواله احوس فيه وضغطت على المربع وطلع الصور و شفت من بعيد فديوهات بنات قلت اتأكد الاو الله الجوال اغلبه صور ووفديوهات بنات طبعا الصور فوق مره مانزلت تحت اسكت ولا اواجهه ولا اخذ جواله واحذفهم قدامه ايش اسوي ولين تكلمت صارت مشكله كبيره ايش اسوي😞