غيداء السعيد @ghydaaa_alsaayd
محررة ماسية
اليهال يحرجوني واااايد يبون امي وامي ماتبيهم :( شالحل يااهل الخير؟
حبيباتي اعاني من مشكله ومجموعه مشاعر لايمكن ترجمتها بالكتابه
فأنا بين شد وجذب .. ماادري كيف اتخذ الموقف الصحيح والاجراء السليم حيال هالمشكله اللي عجزت في حلها
امي وماادراك ماامي ..
بعد طلاقي وشتاتي .. امي كرهت طليقي وكل مايتعلق به من ابناء
صاروا لما يجوني ماتبي شوفتهم وهم طبعآ صغار اكبر واحد بعمر خمس سنين
اليهال يبون يزورون جدتهم دايم يطلبوني ماما نبي نروح عند ديدتنا
وانا سبق لي خبرتني الوالده ماتبي شوفتهم موليه ناقشتها منشان اعرف وجهة نظرها قالت لي :
لما تتطلق بنتك باجر تحسين فيني وتعرفين ليه ?
قلت لها طيب هم يبون يشوفونك يسلمون عليك ثم يروحون معاي داري
قالت قوليلهم نايمه ماهي بالبيت انا ادري اليهال مالهم ذنب لكن خلاص انا انجرحت من ابوهم وكل مااشوفهم اتذكره وتنجرح مشاعري مابي شي يذكرني فيه !!
قلت لها الصبيان ماعادوا صغار يفهمون .. والله ساعات مادري شــ رد عليهم
كل ماقلت لهم ديده نايمه قالوا : طيب ولد خالتي عندها وهو بعمرهم يشوفونه داخل عندها
انا الصراحه احتار شقول ؟؟؟
مره انقهرت وقلت ديده ماتبيكم ديده ماتحبكم ماتبي رقعه ويهكم :06:
ناظروا فيني بنفس مكسوره
وربي يكسرون الخاطر ..
انا الصراحه عجزت عجزت مادري شنو اتصرف بحيث مااكرههم بديدتهم ومنشان موقفهم بيكون صعب شوي
ابي وحده منكم تشور علي اتمنى اناظر رد يبرد حرتي
64
6K
يلزم عليك تسجيل الدخول أولًا لكتابة تعليق.
ضـــــamarـــــي*
•
الله يكون بعونك
بــاتشي
•
الله يعينك
حاولي انهم يجوون بوقت تكون امك نايمة او طالعه واتفقي معها اذا ماتبيهم تكون برا البيت وقت زيارتهم
وصراحة احسها غريبة بس يمكن مقهووورة عشااانك ومسألة وقت وتغير رايها
حاولي انهم يجوون بوقت تكون امك نايمة او طالعه واتفقي معها اذا ماتبيهم تكون برا البيت وقت زيارتهم
وصراحة احسها غريبة بس يمكن مقهووورة عشااانك ومسألة وقت وتغير رايها
الصفحة الأخيرة