اليوم وصلت معي وانهبلتمن القهر

السلام عليكم 
اخواتي الكريمات
بقولكم السالفه بكل تفاصيلها وماني مزوده ولا شي
وشوفو الحق مع مين




طبع ابو الشباب في كل سفره اذا ازعجو البنات صغار بعمر 3 و سنتين 
الله يلعني اللي اسفركم ولا انتم تفسرووون انتم يازين من حجركم بالبيت 
لازم هاالديباجه نسمعها بكل سفره ونبتسم ولا كأن شي صار واحاول اسكت البنات عشان ماانكد على نفسي وعلى بناتي 
اليوم طفح الكيل مليت انفجرت بعنى اصح
لانه زودها يحسسني بالمنه يحسسني انه متفضل علي غير كذا مافيه احترام ووقح معي ويزاعق علي 
مليت انا برضو انسان وش فيها اذا سافرنا بهدوء لو مره وحده السالفة يا أخوات هي
كنا بالسيارة بنرجع للسعوديه
وهو بالطريق قلت انا ايباد البنات وينه شكلنا نسيناه بالغرفه 
كان تقريبا لنا خمس دقايق ماشين طبعا حاطه في حسابي انه بيعصب وبيسوي سالفه بس ماتوقعته تاصل معاه الهدرجة صراحه
اللي صار 
بصراااخ وصوت عالي قال انا مااللوم اهلك ماياخذونك معاك اذا سافرو قلت فلان تعوذ من الشيطان ان شاءالله الحين نلقاه
قال هذا وجهي ان طلعتي من البيت ولا عتبتي عتبت الباب انتي حدك الصالة انتي تسفرين انتي اللي مثلك حده البيت
انا غبي سفرتك
قلت خلاص عيب هاالكلام
قال كلي .....
اسكتي الله ياعنك
قلت احترمك نفسك وعيب عند البنات ذا الكلام
وبنتي تضحك وتقول ماما كلمة وسخه
قال كولي .... انتي اللي مثلك كفوهم ....
اسكتي ولا تكلمين وحطو في بالكم كل هذا بزاعق وبأقوى ماعنده
وصلنا الفندق واخذ الايباد ولا كأن شي صار
ورجع النفس الموال انتم تسفرون الله يلعنكم بس
قلت فلان احترم نفسك ايباد ولقيته خلاص وش له قلة الادب
قال كلي.... ولا اسمع صوتك تسمعيييين 
انا هنا انفجرت قلت خلااااص بزعاااق
وبناتي جلسو يبكوون انفجعووو
قال زوجي وبعد تزاعقين ومد يده يضربني مع يده 
قلت وانت بعد تضرب قال اقسم بالله لو مااسكتي لا بكف على وجهك ومابقا غيرها وتزاعقين بعد
قلت وانا ابكي
 انت تأكلني .... وتلعني ماقلت لك شي لا وقدام البنات بعد 
وانا يوم زعقت استكثرتها علي
قال العنك واكلك واقطع اللسانك لو تكلمتي بعد اسكتي لا بكف
جلست اززعق عليه قلت انا ابي احتراااااااام والله ماطلبت الا الاحتراااااااام فقط 
ماني جارية عندك تأكلني وتلعني انا فقط ابي الاحترااااااااااااااااااااااااام 
ترا انت بنفسك جيت خطبتني وطقيت بابنا محد غصبك غيب هاالكلام وقدام بزارين
قام يمد يده وجلست ارافس واضرب نفسي واصررررخ لاشعوري اضرب نفسي على راسي واصراااااخ وبكاء 
قام طلع جوالة بيدق على ابوي بيقول بنتك انهبلت ترافس وتهاوشني وامسك جواله قلت والله بقتح الباب وارمي جوالك 
هو هنا خاف يوم شافني انهبلت وشاف البنات ياعمري يصيحون 
قال خلاص اسكتي وش فيك خلاص اسكتي اسكتي 
وهنا صار الصمت ولا احد فينا تكلم ماادري هو وش يفكر فيه بس مسوي نفسه ماهمه وجالس يالعب البنات بالخط وعادي ولا كأن شي صار
يوم هديت كلمته
بعد ساعتين من السالفة
قلت يافلان انا اذا كنت اسكت على عصبيتك ووساخة اللسانك
ترى هذا لاني مابي انكد على نفسي وعلى بناتي
لكن تقولي كلي.......
والله يلعنك ناصل الهاالمستوى انا هنا خلاص طفح الكيل وفوقها تبيني سمعا وطاعه وياويلي اقول كلمه
طيب اذا انت معصب لاتحط حرتك فيني هاوش وزاعق بس بدون لعن وشتم وقلة ادب 
غير كذا اذا البنات صايحو او بكو تحط حرتك فيني وتهاوشني بدال ماتهاوشهم انا وش ذنبي 
اسلوبك منرفز تنرفز الواحد وتخليه يطلع من طوره ثم تنتقده اذا تصرف اي تصرف وفوقه تلومه على ردت فعله وتمسكها علي ممسك مع انك انت اللي وصلته الهدرجة كلامك يقهر ويحرك الصنم اللي مايحس
قال انتي ماعرفتيلي 
قلت انا عارفتلك زين ولاني عارفتلك زين تماديت علي 
عادي اتحمل كل شي الا تقولي كلي وتلعني وتقولي بعذر اهلك ماياخذونك معاك لانك مغثه وانا الغبي اللي اسفركم وكل هذا وانا اسوي نفسي لا اسمع لا ارى لا اتكلم 
خلاص تعبت نفسيا والله اني انسانه احس وانقهر مو بس انت اللي تحس وتنقهر وتعصب 
الا هنا وانتهت السالفه
والله يعز على نفسي اني اصل الهدرجة واعصب وازاعق وارافس وعند الضعيفات بناتي بس هو ينرررفز الواحد وانا من زمان اسكت واسكت واسكت خلاص طفح الكيل وانفجرت مره وحده