الي جميع عضوات عالم حواء

السلام عليكم ورحمه الله وبركاته
كيفكم يابنات احلي عالم طبعا ولله الحمد اليوم هذا الموضوع مش مشكله ولا شي بس عتاب
طبعا انا صاحبه الحساب والحساب مشترك بيني وبين حرمه الله يستر عليها ويمكن غالبكم يلاحظ وجودي يوميا بالمنتدي الرائع بعض العضوات الله يهديهم لما انزل موضوع او مشكله تجي تقول انتي كذابه او انتي قايله من قبل انك كذا والحين انتي كذا ويوم متزوجه ويوم مطلقه يااخواتي العزيزات انا غالب المشاكل الي اكتبها بعض الأحيان تجيني علي الخاص لناس ماودهم احد يعرف معرفهم لانه لهم أقارب فانزل لهم مشاكلهم واستفساراتهم بحسابي انا عاتبه عليكم كثير يعني انزل موضوع لعضوة او وحده عندها مشكله تتمني منكم استشاره او دعوة بظهر الغيب وتجي وحده بالنص انتي كذابه وانتي قايله كذا من قبل يابنات اتركو عنكم السطحيات وهالكلام وبدال لا تدققون ادعو لصاحبه المشكله ربي يسهل امورها انا حرمه كبيره مابجي االف عليهم أفلام واسوي قصص وش بستفيد منها بس كل غرضي نساعد بعض وندعي لبعض بظهر الغيب فياريت لما انزل مشكله لاي عضوة معانا تعطونا حلول او تدعون لها ماله داعي هالكلام يعني انسخ الرابط للبنت واخرتها تجي تقول البنات قالو عني كذابه قلت لها خذي الي تبيه وقطي الي مايعجبك ولا تتحسسين ياريت بدال ماتدققون بالمواضيع تعطونا حلول او دعوة حلوة يمكن تستجاب من أي اخت مؤمنه بلحظه استجابه ماتدرين هالحرمه او هالبنت وش قد تكون متازمه او محتاجه لو دعوة منك وتكسبين فيها اجر
وبالنهايه رب العالمين فقط هو الي عالم بالنفوس حتي لو نزلت مشكله لعضوة سواء هي صادقه او كاذبه احنا نسوي الي علينا والباقي عند رب العالمين فياريت تتعمقون بالمشكله والي عندها حل تكتبه افضل من تكذبون او تدعون علي تري انا حالي حالكم ابي دعوة حلوة من هالانسانه الي انزل مشكلتها وكلنا محتاجين الدعاء فياريت ترتقو وماتسبون او تكذبون ماتعرف وش قد هالانسانه تكون مهمومه وانتو تزيدون همها
الله يوفقكم ويعطيكم علي قد نيتكم