الي عندها اطفال وبعدين تاخرت 5 سنوات وفوق تعالي والي ناويه تتاخر بعد تعالي

السلام عليكم ورحمه الله وبركاته

كيفكم كلكم ان شالله طيبات


انا ودي اسال الي تاخرت 5 او 6 او 7 سنوات واكثر

اولا والاهم

هل ندمتي على تاخير حملك هالفتره وتنمنيتي ان انجبتي اطفالك ورا بعض او بفارق اقل ؟؟

لان معظم الي اقابلهم تاخروا يقولون لي انهم تمنوا يجيبون اربع اطفال بينهم سنتين وبعدين يتاخروا !!


ايش سويتي خلال فتره التاجيل هل حققتي حلمك بدراسه او مشروع ؟
كيف تعاملتي مع سؤال الناس خصوصا بعد مرور 4 سنوات

وش مشاعرك بالحمل بعد هالفتره الطويله ؟
وكيف مشاعر زوجك واطفالك ؟


و الولاده كيف هل خفتي او كنتي متحمسه للتجربه من جديد

استرجعتي خبرتك ولا حسيتي انك من اول وجديد وان الزمن نساك خبرتك السابقه ؟؟

تربيه رضيع والنفاس و كل هالمتاعب
هل كنتي مستعده لها و متقبله لكل هالاشياء لانك مريتي فيها قبل ؟؟
او استصعبتيها بعد طول مده الراحه ؟

هل ساعدوك اطفالك بالطفل الجديد او خافوا بحكم مو متعودين عالمواليد؟؟

اخر طفل قبل المولود
الي هو الي عمره 5 او 6 او 7 سنوات ومافوق
هل غار من قدوم الطفل وتعبك ؟؟
ولاتحمس ويساعدك فيه ؟؟

ياليت تشاركونا تجاربكم
انا عندي بنت 8 سنوات وولد 5 سنوات
وافكر بالحمل بعد مايصيرون 9 و 6 سنوات
ودايم تدور هالاسئله براسي
فياليت المجربات يفيدونا ويشاركونا تجربتهم