الي عندها خبره في الماستر كارد والفيزا تخوش تساعدني بليز احسن حاعيط

حبيبتي الفيزا او الماستر كارد هم نفس الشي بس شركتين مختلفات
فكرتها انك تستخدميها بالدفع حتى لو مافي بحسابك فلوس حاليا يعني اسهل من الكاش ومختلفة عن
atm
في مو شرط وجود كاش برصيدك
لازم يكون لك حساب في البنك وتكوني موظفة براتب مو اقل من 3 الاف ريال هذا البريطاني او ساب يطلعها لك بهالمبلغ ىتحولي راتبك للبنك اللي بتطلعين الفيزا تبعه وتكون حدود المبلغ هو راتبك او 90 بالمية منه او ممكن ماتكوني موظفة بس تحطين مبلغ بحسابك يغطي حدود الصرف منها ويكون محتجز من البنك يعنى ماتقدرين تصرفينه او تطلعين فيزا جزء من فيزا زوجك او ابوك طبعا ماراح تكون بنفس حدودهم بتكون جزئية
نجي للجزء المهم كيف تسددين نصيحة اخت خذي نظام التسديد بالكامل مو بلأقساط عشان ماتكون عليك فوايد وتجي قصة حرام وربا صاحبتي مسويه نظام حلو معها نوته تسجل لماتشتري فيها وتاريخ عشان مايمر الوقت اللي هو تقريبا 60 يوم وتسدد دايركت واياك تستخدميها بالسحب كاش لانه بياخذ عليك فايدة دايركت استخدميها بس لسداد مشتريات
وطبعا احلى شي انها للسفر تسهل عليكي كثير وتوفر لك كثير بس اتوقع هذا لااللي عندي للفيزا وصح تذكرت اذا عندك فيزا او ماستر كارد تقدرين تطلعين بطاقه تشترين من النت او فيزا للنت خاصه
وطبعا فيه رسوم سنويه بس مو كثيرة بحدود 200 وشوي او 400 وشوي وفيه بنوك مطلعة فيزا اسلامية وانواع كثيرة

مشكوره اختي

بس كيف اسددها يعني احول فلوس من حسابي لصالح منو؟

لان انا ابيها عشان اشتري من النت وبس

اليوم الراجحي عطوني بطاقة الراجحي الائتمانيه للسيدات تصلح للنت؟

يؤ نسيت اسال كيف اعرف لما اشري من النت انو تم اقتطاع المبلغ المطلوب؟
وانو العمليه تمت بنجاح؟

هل يعطيني البنك برنت عن العمليات الي قمت فيها والا انا اتصل اسال؟

عذرا اكثرة الاسئله بس ودي اشري وااخاف اتوهق ؟

مراحب

الفيزا او الماسترد كارد فيه شرط من العقد حقهم ربوي لذلك ابتعدي عنهن .. غير هذا استخدامها في النت غير امن ابد ابد ابد

إذا تبين تشترين من النت اعتقد فيه بطاقه خاصة بالانترنت اظنها عند بنك الرياض

تروحين للبنك وتشترينها وبعدين اذا خلصت تودعين مبلغ ويضاف لى البطاقه وانتي تحددين المبلغ اللي تبينه

حبيبتي بنك الرياض والبريطاني كلهم يعطونك بطاقة خاصة بالنت بس بشرط يكون عندك فيزا عادية وموضوع السداد انتى تسددينه حسب مانت تبين عن طريق 800 او الفرع تتصلين على الرقم المجاني وتسددين اللي عليك للفيزا من حسابك
حبيبتي بالذات الراجحي ماعرف عنه كثير يعنى اتصلي على رقمهم المجاني او على الفرع واسالي بس للأمان احسن تاخذي بطاقات الرياض او البريطاني
اما العمليات اللي سويتيها تجيك ببيان على البريد