الي عندها شغاله اتقو الله في هالمساكين يامسلمين (مااعمم)

بسم الله الرحمن الرحيم


كل عام وانتو بخير وعيدكم مبارك


كلامي الجاي كله من شي صار قدام عيني لاحدا خبرني ولاحدا حكالي


انا دايما اطلع يعني بمعدل 4 مرات بالاسبوع تقريبا
مابين ملاهي ومولات ومستشفى الخ

اغلبها اضطراريه عشان مافي احد يجيب اغراض بنوتي غيري صايره ابو وام الله يعين


المهم من خلال طلعاتي شفت هالشي وحزنت مررررررررررررررره

الخادمه هي انسانه محتاااجه جايه لبلد غريب متغربه محتاجه وحيده فاقده اهلها واطفالها وديرتها
وفرحتها وجايه تخدمنا يعني الم نفسي وجسدي :44:
روحو قسم المغتربات شوفو كيف احساسهم حاسين بالغربه والفقد وهما ماشاءالله مع ازواجهم واطفالهم
فمابالكم بهلمسكينه


بصراحه الي شفته يقطع القلب
اخر موقف كان في مركز ترفيهي المركز حااااااااااااااار مولع في الصاله الخارجيه
وفي ععيله معاهم شغاله ملبسينها غطا على وجهها ثقيييييييييييييل وطووووووووووووووويل
والله انها قطعت قلبي حسيت اني مخنوقه خنقتني العبره كنا انا وبنتي واختي جالسسين على طاوله
وجات هالعيله وجلست جنبنا وجات الشغاله سحبت كرسي بتجلس وراهم قالولها لا خليكي واقفه
تخيلو غطاها ثقيل مرررره اتحدى اذا انها شايفه شي حتى موقادره تمشي كل شوي تتخبط
وجده مووووووووووووووت رطوبه وحررررر وطلبو عشا وجلسو ياكلو مدة متعتهم ووقوف الشغاله بالحر حوالي ساعه
تخيلو وضعها ياحرام لاعشا ولانفس ولاهوا موقادره تتنفس ولاتشوف شي
طيب ليش ماخلوها تجلس ليش ماعطوها عشاا!!!!!
قابلتها في المغاسل لقيتها واقفه تمسك الباب لوحده منهم قلتلها افتحي الغطا هنا كله حريم
وماصدقت بعدين قلتلها شوفي الكرسي حطيه جنب الباب واجلسي وجلست
بصراااحه موقف ماانساه حطيت نفسي مكانها

طيب يبون يسترونها عادي كلنا نلبس غطاوي ليش مالبسوها غطا زي اغطيت الناس شمعنى هم نقابات!!!!


بقولكم مناظر ثانيه بوقات مختلفه شفتها
الشغاله راتبها 600 الى 1500
يعني مو عاد تحللون هالفلسين على ظهرها
تجيك الام تصحيها بدري ويطلعون على المغرب مثلا وسهره الين 2 الفجر
يبونها تطلع كل الاغراض السياره
وبعدها تمسك البزارين بالسياره
واذا وصلو خلوها تشيل كل شي والله اني اشوفهم يحملونها جوالين المويه الكبار في الطلعات
طيب وين الرجال وش دوره؟؟؟
الحين وصلو مكان ترفيهي والا مول يله عليها تشيل الاغراض وتلعب البزران وتمسكهم وتروح تشتريلهم وجبات
وتعشيهم وبعدين ترجع البيت تحممهم وتشيل وتحط وترتب الساعه 2!!!!!
ليش مو ادميه ماعندها احساس
حشا سوبروومن خااارقه ذي مو عاديه
ياليتهم على ذا معشينها عشا صاحي والا مفتكررينها بعلبة بيبسي والاعصير:44:
انا ما اعمم في ناس ذوووق ومعاملتهم انسانيه وعادينها اختت مسلمه
انا اتكلم عن هالفئه الي كل يوم اشوفها

وحده من الاخوات هنا معانا بالمنتدى
تقول اخاف على زوجي من الشغاله
ردت عليها وحده تقول اكرفيها لاتخلينها ترتاح اذا مرررره خلص الشغل خليها تنزل ستاير البيت وتغسلهم وتكويهم
يمممممه اعوذبالله :icon33:

ليش مالها حق ترتاح؟؟



في ناس جايبين الشغاله وهذا الغالب لكل شي للبيت للسياره ترتبها وتنظفها وتبخرها
لجوالين المويه الكبيره تشيلها لدبات الغاز للعيال تحمم وتلبس وتاكل وتنوم ووووووالخ
لاحول ولاقوة الابالله

وحده بالملاهي تقول لشغالتها اركبي اللعبه مع الولد قالت لا ماما ادوخ وقاعده تترجاها ماتقدر بتدوخ
واجبرتها تركب معاه وجلست تستفرغ:mad:
ليش كذا ياناس
وين خلق المسلمين
وين الرحمه

طيب اذا ناديتها ليش تصرخين اخر الشارع يسمعونك
ناديها بشوويش تسمع والله تسمع

والي ينبش اغراضها
والي قاعدتلها عالحبه
والي تحقق معاها
الخ
اتقو الله فيهم

ازعلو سبوني قولو ردود تسد النفس عاااادي وربي
المهم نصحتكم وابريت ذمتي وقسم بالله منظر الشغاله الي بغطا كبير وثقيل وبدون عشا ماانساه
وربي عمري ماشفت زي غطاها ولاشفت زي قماشته بين القطيفه والمخمل حسبي الله عليهم بس
وشبيصير لو عالاقل عطوها كرسي تجلس؟؟؟؟؟؟؟؟